గొడవలు రాకుండా అగ్రిమెంట్లు చేసుకున్న మెగా, నందమూరి ఫ్యాన్స్.. ఏమైందంటే?

టాలీవుడ్ దర్శకధీరుడు ఎస్ ఎస్ రాజమౌళి ఎంతో ప్రతిష్టాత్మకంగా తెరకెక్కిస్తున్న చిత్రం ఆర్ఆర్ఆర్. ఈ సినిమాలో ఇద్దరు స్టార్ హీరోలు కలిసి నటిస్తున్న విషయం తెలిసిందే.

ఈ సినిమా జనవరి 7న రిలీజ్ కానుంది.ఈ సినిమా కోసం రామ్ చరణ్ అభిమానులతోపాటు, ఎన్టీఆర్ అభిమానులు కూడా ఎంతగానో ఎదురుచూస్తున్నారు.

ఇప్పటికే ఈ సినిమాపై భారీగా అంచనాలు నెలకొన్నాయి.సినిమా విడుదల తేది దగ్గర పడుతుండటంతో ఆర్ఆర్ఆర్ సినిమాకు సంబంధించిన అప్డేట్ జక్కన్న విడుదల చేశారు.

ఈ అప్డేట్స్ సినిమా పై మరింత ఆసక్తి నెలకొల్పాయి.ఇప్పటికే ఈ సినిమాకు సంబంధించిన ప్రమోషన్స్ కూడా మొదలు పెట్టేశారు.

ఈ క్రమంలోనే చెర్రీ , నందమూరి అభిమానుల మధ్య ఎలాంటి గొడవలు రాకుండా ఫ్యాన్స్ ప్రెసిడెంట్స్ అగ్రిమెంట్స్ చేసుకున్నారని తెలుస్తోంది.ఈ సినిమాలో ఇద్దరూ స్టార్ హీరోలే పైగా ఇద్దరి హీరోలకు భారీ ఫ్యాన్ ఫాలోయింగ్ ఉండడంతో ఈ ఆర్ఆర్ఆర్ సినిమాలో ఈ ఇద్దరికీ సమాన ప్రాధాన్యత ఇస్తూ వారి వారి రోల్స్ చేయించామని ఇప్పటికే రాజమౌళి క్లారిటీ ఇచ్చేశారు.

దీంతో అటు మెగా, ఇటు నందమూరి శిబిరాలు ఉత్సాహంతో ఉరకలేస్తున్నాయి.జనవరి 7న ఈ సినిమా దాదాపుగా 10,000కు పైగా థియేటర్లలో విడుదల కానున్న నేపథ్యంలో ఇరు వర్గాల ఫ్యాన్స్ నడుమ వార్ నడిచే అవకాశాలు లేకపోలేదు.