నిజంగా ఆ పని నేను చేయలేదు.. నమ్మండి

‘శ్రీనివాసకళ్యాణం’ చిత్రం కాన్సెప్ట్‌ దిల్‌రాజు ఇచ్చాడని, పెళ్లి కాన్సెప్ట్‌తో దర్శకుడు సతీష్‌ వేగేశ్న కథను అల్లి, ఈ చిత్రాన్ని తెరకెక్కించాడు అంటూ చిత్ర యూనిట్‌ సభ్యులు చెబుతూ వస్తున్నారు.అయితే సినీ వర్గాల్లో మరియు సోషల్‌ మీడియాలో మాత్రం ఈ చిత్రంకు దిల్‌రాజు షాడో డైరెక్టర్‌గా వ్యవహరించాడు అంటూ విమర్శలు వ్యక్తం అవుతున్నాయి.దిల్‌రాజు మొత్తం తానై ఈ చిత్రాన్ని నడిపించాడని, సతీష్‌ వేగేశ్న కేవలం సహాయ దర్శకుడిగా వర్క్‌ చేశాడు అంటూ కొందరు ప్రచారం చేస్తున్న సమయంలో ఈ విషయమై దిల్‌రాజు క్లారిటీ ఇచ్చాడు.

తాజాగా శ్రీనివాస కళ్యాణం చిత్రం ప్రెస్‌మీట్‌లో దిల్‌రాజు మాట్లాడుతూ తిరుమల దైవ దర్శనంకు వెళ్లిన సమయంలో నాకు ఈ చిత్రం ఆలోచన వచ్చింది.అదే ఆలోచనను దర్శకుడు సతీష్‌ వేగేశ్నకు చెప్పాను.

నా ఆలోచనకు తగ్గట్లుగా స్క్రిప్ట్‌ను తయారు చేసి, ఈ చిత్రాన్ని ఆయన తెరకెక్కించాడు.అంతే తప్ప తాను ఈ చిత్రంలో ఏమాత్రం ఇన్వాల్వ్‌ అవ్వలేదని, ఈ చిత్రంలోనే కాదు తాను ఏ చిత్రాల మేకింగ్‌ విషయంలో కూడా ఇన్వాల్వ్‌ అవ్వను అంటూ చెప్పుకొచ్చాడు.