ఇండియన్ నేవీలో 26 రఫేల్ యుద్ధ విమానాలు.. కేంద్రం గ్రీన్ సిగ్నల్

భారత నేవీ( Indian Navy ) అమ్ములపొదిలో 26 రఫేల్ యుద్ధ విమానాలు, 3 స్కార్పీన్ క్లాస్ సబ్ మెరైన్‌లు చేరనున్నాయి.

ప్రధాని నరేంద్ర మోదీ ఫ్రాన్స్ పర్యటన సందర్భంగా నేవీ కోసం ఫ్రాన్స్ నుంచి వీటిని కొనుగోలు చేసేందుకు భారత రక్షణ శాఖ గ్రీన్ సిగ్నల్ ఇచ్చింది.

రక్షణ మంత్రి రాజ్‌నాథ్‌సింగ్‌ అధ్యక్షతన గురువారం ఇక్కడ జరిగిన డిఫెన్స్‌ ప్రొక్యూర్‌మెంట్‌ కౌన్సిల్‌ సమావేశంలో ఈ మేరకు ప్రతిపాదనను ఆమోదించారు.అధికారిక పర్యటన నిమిత్తం ప్రధాని నరేంద్ర మోదీ( Narendra Modi ) గురువారం ఉదయం ఫ్రాన్స్‌కు బయలుదేరి వెళ్లారు.

ఆయన పర్యటన సందర్భంగా ఇరుదేశాల మధ్య పలు ఒప్పందాలు జరగనున్నాయి.నేవీ కోసం 26 రాఫెల్ ఎమ్ యుద్ధ విమానాల కొనుగోలుకు సంబంధించి కూడా ఒప్పందం కుదిరే అవకాశం ఉంది.

ఈ విమానాలను దేశంలోని మొట్టమొదటి స్వదేశీ విమాన వాహక నౌక ఐఎన్‌ఎస్ విక్రాంత్‌లో మోహరిస్తారు.నావికాదళం ట్రయల్స్ తర్వాత అమెరికన్ ఫైటర్ ఎయిర్‌క్రాఫ్ట్ ఎఫ్-18 కంటే రఫేల్ ఎమ్‌కి ప్రాధాన్యతనిచ్చింది.