ఆమె పట్టుదల ముందు చిన్నబోయిన పేదరికం

పట్టుదల ఉంటే ఏదైనా సాధించవచ్చని తాజాగా మరోసారి రుజువైంది.

కడు పేదరికంలో ఉన్నా తనకు నచ్చిన క్రీడలో పేరు సంపాదించాలని చూసిన ఓ 11 ఏళ్ల అమ్మాయి తన లక్ష్యాన్ని సాధించుకునేందుకు చేసిన పని ప్రస్తుతం సోషల్ మీడియాలో వైరల్ కావడంతో ఆ అమ్మాయిని ప్రశంసలతో ముంచెత్తుతున్నారు.

పిలిప్పిన్స్‌‌లోని బలాసన్‌కు చెందిన రియా బుల్లోస్‌కు అథ్లెటిక్ పోటీలు అంటే చాలా ఇష్టం.దీని కోసం ఆమె ఎంతో శ్రమపడుతోంది.

అయితే పేదరికం కారణంగా ఆమె కనీసం షూ కొనే స్థితిలో కూడా లేదు.అయినా తన లక్ష్యాన్ని చేరుకునేందుకు ఇవేమీ పట్టించుకోని రియా అథ్లెటిక్ పోటీల్లో పాల్గొనేందుకు తన కాళ్లకు టేపు చుట్టుకుంది.

దానిపై నైక్ అని రాసుకుని పరుగు పందెంలో పాల్గొంది.అదే కాళ్లతో ఆమె 400, 800, 1500 మీటర్ల పరుగు పందెంలో పాల్గొని మొదటి స్థానంలో నిలిచింది.