ఫుట్‌బాల్‌ మ్యాచ్‌ లో రెఫరీ నిర్ణయంపై ఘర్షణ.. 100 మంది మృతి

ఈ గొడవకు సంబంధించిన వీడియోలు సోషల్ మీడియాలో షేర్ అవుతున్నాయి.వీటిలో మ్యాచ్ వేదిక వెలుపల ప్రజలు నడుస్తున్నట్లు చూడవచ్చు.రోడ్డుపైన, పొలాల్లో చాలా మంది ప్రాణాలు కోల్పోయారు.

రిఫరీ వివాదాస్పద నిర్ణయంతో గొడవ ప్రారంభమైందని సమాచారం.రిఫరీ నిర్ణయంతో మ్యాచ్ చూస్తున్న జనం మైదానంలోకి వచ్చారు.

గినియా జుంటా నాయకుడు మామాడి డౌంబౌయా గౌరవార్థం(Mamadi Doumbouya) ఏర్పాటు చేసిన టోర్నమెంట్‌లో భాగంగా ఈ మ్యాచ్ జరిగింది.డౌంబౌయా 2021లో తిరుగుబాటులో అధికారాన్ని చేపట్టి తనను తాను అధ్యక్షుడిగా ప్రకటించుకున్నాడు.

ఇటువంటి టోర్నమెంట్లు గినియాలో తరచుగా జరుగుతాయి.డౌంబౌయా రాబోయే అధ్యక్ష ఎన్నికల్లో పోటీ చేయాలని ఆలోచిస్తున్నారు.