వైరల్ ఫోటో : తల్లిలేని బిడ్డకు పాలిచ్చిన లేడీ కానిస్టేబుల్ ...

అర్జెంటీనాకు చెందిన సెలస్టే జాక్వెలిన్‌ అయాలా అనే పోలీస్ సోల్జర్‌ ఇటీవల ఒక బిడ్డకు జన్మనిచ్చింది.ప్రసూతి సెలవులు అయిపోయాక మళ్లీ ఉద్యోగంలో జాయిన్ అయింది.విధుల్లో భాగంగా ఆస్పత్రిలో గస్తీకి వెళ్లింది.

ఆస్పత్రిలో ఓ చిన్నారి ఆకలితో ఏడుస్తూ జాక్వెలిన్ కి కనిపించింది.పక్కన బిడ్డ తల్లి లేదు.

బిడ్డ గుక్కపట్టి ఏడుస్తుంది.అంతే సెలస్టీ మాతృహృదయం ఉప్పొంగింది.

నర్సుల అనుమతి తీసుకుని వెంటనే బిడ్డను ఒడిలోకి తీసుకుని స్తన్యం ఇచ్చింది.ఆకలితో ఏడుస్తున్న చంటిపాప వెంటనే ఏడుపు ఆపి పాలుతాగి ఆకలితీర్చుకుని నిద్రపోయింది.

అయితే ఆ బిడ్డ ఇటీవలే తల్లికి దూరం కాగా, హాస్పటల్ వారే పోషణ బాధ్యత చూసుకుంటున్నారు.‘ఆ చిన్నారి ఏడుపు వినగానే నా బిడ్డ గుర్తొచ్చింది.

పాలుపట్టాను.ఇందులో నా గొప్పతనం ఏమీ లేదు.

నా స్థానంలో ఏ తల్లి ఉన్నా ఇలాగే చేసేది అంటూ స్పందిచింది సెలస్టే.సెలస్టే పాలిస్తున్న దృష్యాన్ని తోటి కానిస్టేబుల్స్ ఫోటోతీసి సోషల్ మీడియాలో అప్లోడ్ చేయగా నెటిజన్లంతా సెలెస్టా చేసిన పనిని అభినందిస్తున్నారు.

‘జాతీయ మహిళా అధికారుల దినోత్సవం’ రోజునే చోటుచోసుకుంది ఈ సంఘటన.మరోవైపు తల్లిలేని బిడ్డకు పాలుపట్టిన సెలెస్టాను ప్రభుత్వం పదోన్నతి ఇచ్చి గౌరవించింది.