కేసీఆర్ వ్యూహానికి ఎమ్మెల్యే సీతక్క బలవుతుందా..?

బడే నాగజ్యోతి ములుగు జడ్పీ వైస్ చైర్మన్ గా ప్రస్తుతం సేవలందిస్తోంది.అయితే నాగజ్యోతి ( NAGA JYOTHI ) ఫ్యామిలీ కూడా శీతక్క లాగే దళంలో నుంచి వచ్చిన ఫ్యామిలీ.ఆమె తల్లిదండ్రులు ఇద్దరు నక్సలైట్ ఉద్యమంలో పనిచేశారు.

దీంతో నాగజ్యోతికి కూడా ములుగు నియోజకవర్గంలో మంచి పేరు ఉంది.దీంతో ఆమెనే సీతక్కకు పక్కా పోటీ ఇవ్వగలరని భావించిన కేసీఆర్(KCR) వ్యూహంతో ఆమెను బీఆర్ఎస్ నుంచి బరిలోకి దింపుతున్నారు.

నాగజ్యోతిని ఎలాగైనా గెలిపించుకోవాలని మంత్రులు, ఎంపీలు, పెద్ద పెద్ద నాయకులంతా ములుగు నియోజకవర్గంలో పర్యటనలు చేస్తున్నారు.ప్రజల్లోకి వెళ్తున్నారు.

అందరి టార్గెట్ సీతక్కే అనే విధంగా కేసీఆర్ ఆలోచన విధి విధానాలతో ముందుకు సాగుతున్నారు.అంతేకాకుండా బడే నాగజ్యోతి కూడా నియోజకవర్గంలో పర్యటనలు చేస్తూ, తనకు సంబంధించిన ఆస్తులు తను బయోడేటా గురించి సోషల్ మీడియాలో వైరల్ చేస్తూ, సింపతిని పొందే విధంగా ముందుకు సాగుతోంది.

అయితే ఇదే విషయంపై సీతక్క(SITHAKKA) కూడా స్పందించింది.ఈ సమాజంలో పోటీ చేసే హక్కు ఎవరికైనా ఉంది.

ములుగు నియోజకవర్గాన్ని టార్గెట్ చేస్తూ కేసీఆర్ నాపై అన్ని అస్త్రాలు ఉపయోగిస్తున్నారు.నాకు ప్రజల బలం ఉంది అంటూ మాట్లాడింది.

అంతేకాకుండా కరోణా సమయంలో కానీ, వరదలు వచ్చినప్పుడు కానీ నేను ములుగు ప్రజలను కాపాడాలని ఎన్నోసార్లు ప్రభుత్వానికి విన్నవించుకున్నాను.ఎంతోమంది మంత్రులను కలిశాను అయినా ఏ ఒక్క మంత్రి కానీ నా నియోజకవర్గం వచ్చి చూసింది అయితే లేదు.

నేను పార్టీలకతీతంగా నియోజకవర్గ ప్రజల కోసం ఎన్నో అభివృద్ధి పనులను తీసుకువచ్చాను.పూర్తయిన పనులను వారి ఖాతాలో వేసుకుంటూ, ఆగిపోయిన పనులను శీతక్క అసమర్ధత వల్లే ఆగిపోయాయంటూ నాపై రుద్దుతున్నారు.