నువ్వులు.వీటి గురించి ప‌రిచ‌యం అవసరం లేదు.
ఆరోగ్యానికి ఎంతో మేలు చేసే నువ్వుల‌ను చాలా మంది ఇష్టంగా తింటుంటారు.అయితే నువ్వులే కాదు.
నువ్వుల నూనె కూడా ఆరోగ్యానికి మంచిదంటున్నారు నిపుణులు.సాధార‌ణంగా చాలా మంది వంట‌ల‌కు ర‌క‌ర‌కాల నూనెలు వాడుతూ.
ఆరోగ్యాన్ని చేతులారా పాడుచేసుకుంటుంటారు.కానీ, నువ్వుల నూనె వాడ‌డం వల్ల ఆరోగ్యానికి ఎంతో మేల‌ని.
ఎన్నో జ‌బ్బుల‌కు కూడా చెక్ పెడుతుంద‌ని అంటున్నారు.నువ్వుల నూనె ప్ర‌యోజ‌నాలు ఏంటో లేట్ చేయ‌కుండా ఓ లుక్కేసేయండి.
నువ్వుల నూనెలో ప్రొటీన్లు, ఒమెగా 6 ఫ్యాటీ యాసిడ్స్ మ‌రియు యాంటీ ఆక్సిడెంట్లు పుష్క‌లంగా ఉంటాయి.ఇవి గుండె పోటు ఇత‌ర గుండె జ‌బ్బులు రాకుండా ర‌క్షిస్తాయి.
శ‌రీర రోగ నిరోధ‌క శ‌క్తిని బ‌ల‌ప‌రిచి.ర‌క‌ర‌కాల వైర‌స్‌లు ద‌రిచేర‌కుండా అడ్డు‌కుంటాయి.
బ‌ల‌హీనంగా ఉన్న ఎముకల‌ను బ‌లంగా మార్చ‌డంలో కూడా నువ్వుల నూనె గ్రేట్‌గా ఉప‌యోగ‌ప‌డుతుంది.
ప్రతి రోజు నువ్వుల నూనెతో చేసిన వంట‌లు తీసుకోవ‌డం వల్ల.
ఇంద‌లో ఉండే కాల్షియం మ‌రియు మినరల్స్ ఎముకల‌ను, కండ‌రాల‌ను, దంతాల‌ను దృఢంగా మారుస్తుంది.నువ్వుల నూనెతో చేసిన ఆహారం ఎక్కువ రోజులు నిల్వ కూడా ఉంటుంది.
అలాగే నువ్వుల నూనెలో ఉన్న మెగ్నీషియం అధిక ర‌క్త‌పోటును అదుపులోకి తెస్తుంది.మ‌రియు ఇందులో ఉండే ఐర‌న్ ర‌క్త హీన‌త స‌మ‌స్య‌ను దూరం చేస్తుంది.
అదేవిధంగా, మ‌ధుమేహంతో నేటి కాలంలో చాలా మంది బాధ‌ప‌డుతున్నారు.అయితే అలాంటి వారు ఏవేవో నూనెలు కాకుండా.
నువ్వుల నూనె వాడితే మంచిదంటున్నారు.ఎందుకంటే, నువ్వుల నూనె తీసుకోవ‌డం వల్ల బ్ల‌డ్ షుగర్ లెవ‌ల్స్ కంట్రోల్‌లో ఉంటాయి.
ఇక చ‌ర్మ ఆరోగ్యాన్ని మెరుగుప‌ర‌చ‌డంలోనూ నువ్వుల నూనె ఉప‌యోగ‌ప‌డుతుంది.ప్రతి రోజు నువ్వుల నూనెతో త‌యారు చేసిన ఆహారాలు తీసుకోవ‌డం వల్ల దేహాన్ని పుష్టిగా ఉంచడంతో పాటు చ‌ర్మాన్ని సుర‌క్షితంగా, ప్ర‌కాశ‌వంతంగా ఉంచుతుంది.
