మరోసారి సిక్సర్లతో విరుచకపడ్డ యువరాజ్ సింగ్.. ఫైనల్ లో భారత్

భారత క్రికెట్ చరిత్రలో యువరాజ్ సింగ్ ( Yuvraj Singh ) ప్రత్యేకమైన స్థానం కలిగి ఉన్నాడు.అతని అద్భుతమైన హిట్టింగ్ సామర్థ్యం, మరుపురాని ఇన్నింగ్స్ లు ఇప్పటికీ అభిమానులను ఆశ్చర్యానికి గురి చేస్తాయి.

2007 టీ20 వరల్డ్ కప్‌లో స్టువర్ట్ బ్రాడ్ బౌలింగ్‌లో 6 సిక్సులు కొట్టి చరిత్ర సృష్టించిన యువరాజ్, తాజాగా మరోసారి తన పవర్ హిట్టింగ్‌ను ప్రదర్శించాడు.ప్రస్తుతం జరుగుతున్న ఇంటర్నేషనల్ మాస్టర్స్ లీగ్‌లో( International Masters League ) ఆస్ట్రేలియాతో జరిగిన మ్యాచ్‌లో యువరాజ్ సింగ్ మరోసారి తన సిక్సర్ల మోతను వినిపించాడు.30 బంతుల్లో 59 పరుగులు చేసిన యువీ, ఏడు భారీ సిక్సర్లు బాదాడు.అలాగే, ఒక బౌండరీ కూడా కొట్టి తన స్ట్రైక్ రేట్‌ను మైంటైన్ చేశాడు.

ముఖ్యంగా, ఆసీస్ లెగ్ స్పిన్నర్ మెక్‌గెయిన్ బౌలింగ్‌లో వరుసగా మూడు సిక్సర్లు కొట్టడం అభిమానులను ఉత్సాహపరిచింది.