కాంగ్రెస్ నేత, ఎంపీ ఉత్తమ్ కుమార్ రెడ్డి చేసిన ఆరోపణలపై ఎమ్మెల్యే శానంపూడి సైదిరెడ్డి తీవ్రంగా మండిపడ్డారు.ఈ మేరకు ఉత్తమ్ కుమార్ దిగజారుడు రాజకీయాలు మానుకోవాలని సూచించారు.
ఓడిపోతాననే భయం ఉత్తమ్ కుమార్ కు పట్టుకుందని ఎమ్మెల్యే శానంపూడి అన్నారు.అలాగే ఉత్తమ్ కుమార్ లా ప్యాకేజీ రాజకీయాలు చేయడం తనకు చేతకాదని చెప్పారు.
ఈ క్రమంలోనే ఉత్తమ్ ఎంత రెచ్చగొట్టినా బీఆర్ఎస్ కార్యకర్తలు సంయమనం పాటించాలని ఆయన కోరారు.ఉత్తమ్ కోసం పనిచేసే ఏజెన్సీ వాళ్లు తమ దగ్గర పని చేస్తున్నారన్న ఆయన ఉత్తమ్ తో చేతులు కలిపి గ్లోబెల్స్ ప్రచారం చేస్తున్నారని తెలిపారు.
అయితే ఆ విషయం తనకు నిన్నటి వరకు తెలియదని చెప్పారు.సదరు ఏజెన్సీ సంస్థ ఇరువురికి పని చేయడం అనైతికమని పేర్కొన్నారు.
ఈ క్రమంలో ఏజెన్సీపై చట్టరీత్యా చర్యలు తీసుకుంటామని తెలిపారు.
