నేడు టీపీసీసీ విస్తృత సమావేశం

హైదరాబాద్ : మే 22 నేడు టిపిసిసి విస్తృత సమావేశం సోమవారం జరుగనుంది.

గాంధీభవన్‌లోని ప్రకాశం హాల్లో జరిగే ఈ సమావేశానికి పార్టీ రాష్ట్ర వ్యవహారాల ఇన్‌చార్జి మాణిక్‌రావ్‌ ఠాక్రే ముఖ్య అతిథిగా పాల్గొననున్నారు.

టీపీసీసీ అధ్యక్షుడు రేవంత్‌రెడ్డి, కార్యనిర్వాహక అధ్యక్షులు, కార్యవర్గం, పార్టీ ఎంపీలు, ఎమ్మెల్యేలు, ఎమ్మెల్సీ, డీసీసీ అధ్యక్షులు, పార్టీ అనుబంధ సంఘాల చైర్మన్లు, టీపీసీసీ సభ్యులు ఈ సమావేశంలో పాల్గొననున్నారు.రాష్ట్ర అవతరణ దినోత్సవం నిర్వహణతోపాటు తాజా రాజకీయ పరిస్థితులు, భవిష్యత్తు కార్యాచరణపై చర్చించనున్నారు.

యుగంధర్‌కు ఫోన్లో రేవంత్‌ పరామర్శ

ఉప్పల్‌లోని ఓ ఆసుపత్రిలో చికిత్స పొందుతున్న యుగంధర్‌ను టీపీసీసీ అధ్యక్షుడు రేవంత్‌రెడ్డి ఆదివారం ఫోన్‌ చేసి పరామర్శించారు.ఈ సందర్భంగా తనపై దాడి జరిగిన పూర్వా పరాలను రేవంత్‌కు యుగంధర్‌ వివరించారు.

భయపడాల్సిన పని లేదని, కాంగ్రెస్‌ అండగా ఉంటుందని ఆయనకు రేవంత్‌ భరోసానిచ్చారు.