వీడియో: ప్లేస్కూల్‌లో దారుణం.. చిన్నారిని దారుణంగా కొట్టిన సీనియర్ స్టూడెంట్..

బెంగళూరులోని( Bengaluru ) ఓ ప్లేస్కూల్‌లో ( Playschool ) దారుణం చోటుచేసుకుంది.

టీచర్లు పిల్లలను లాక్ వేసి ఒక గదిలో ఉంచగా అందులో ఓ బాలికను ఒక బాలుడు శారీరకంగా హింసించాడు.

దీనికి సంబంధించి సీసీటీవీలో రికార్డైన ఓ వీడియో సోషల్ మీడియాలో వైరల్ అయింది.తల్లిదండ్రులు ఈ వీడియో చూసి ఆందోళనకు గురవుతున్నారు.

వైరల్ వీడియోలో రెండున్నరేళ్ల బాలుడు ఎలాంటి కారణం లేకుండానే ఏడాదిన్నర బాలికపై దారుణంగా దాడి చేయడం కనిపించింది.పిల్లలను చూసుకోవాల్సిన టీచర్ కొద్దిసేపు గది నుంచి బయటకు వెళ్లినప్పుడు ఈ సంఘటన జరిగింది.

బాలిక శరీరంపై గాయాలను గమనించిన తల్లిదండ్రులు ఆమెను ఆసుపత్రికి తీసుకెళ్లగా శారీరక దాడి జరిగినట్లు వైద్యులు తెలిపారు.