కెనడాలోని కాల్గరీలో జరిగిన ఒక షాకింగ్ ఘటన సోషల్ మీడియాలో వైరల్ అవుతోంది.బో వ్యాలీ కాలేజ్ రైలు స్టేషన్‌లో(At Bow Valley College train station) ఒక వ్యక్తి ఓ అమ్మాయిపై దారుణంగా దాడి చేశాడు.
ఆ అమ్మాయి భారతీయ సంతతికి చెందినదని కొందరు అంటున్నారు.
వీడియోలో, నీలం రంగు జాకెట్, బూడిద రంగు ప్యాంటు(Blue jacket, gray pants) వేసుకున్న ఒక వ్యక్తి, విద్యార్థినిలా కనిపిస్తున్న అమ్మాయిపై దాడి చేస్తూ కనిపించాడు.
నల్లటి దుస్తులు వేసుకుని బ్యాగ్ తగిలించుకున్న ఆ అమ్మాయిని మొదట బలంగా తోసేశాడు.ఆ తర్వాత గొంతు నులిమి చంపడానికి ప్రయత్నించాడు.స్టేషన్‌లో చాలామంది ఉన్నా ఎవరూ ఆ బాలికకు సహాయం చేయడానికి ముందుకు రాకపోవడం మరింత దిగ్భ్రాంతి కలిగిస్తోంది.దాడి చేసిన వ్యక్తి ఎవరనేది ఇంకా తెలియలేదు.
దాడి చేయడానికి గల కారణాలు కూడా స్పష్టంగా లేవు.బాలిక వివరాలను, ఇతర విషయాలను అధికారులు ఇంకా వెల్లడించలేదు.
ఈ ఘటన కెనడాలోని భారతీయ(Indians in Canada) సమాజంలో తీవ్ర ఆందోళన రేకెత్తించింది.ఇది ఇలా ఉండగా, కొన్ని నెలల క్రితమే ఇలాంటి విషాద ఘటన మరొకటి జరిగింది.గత డిసెంబర్‌లో, హర్యానాలోని కురుక్షేత్ర జిల్లాలోని థాస్కా మిరాజీ గ్రామానికి చెందిన 23 ఏళ్ల భారతీయ యువతిని కెనడాలోని సర్రేలో హత్య చేశారు.డిసెంబర్ 14న గిల్డ్‌ఫోర్డ్ (Guildford)ప్రాంతంలోని అద్దె ఇంట్లో దుండగులు ఆమెపై దాడి చేసినట్లు సమాచారం.
తాజాగా బో వ్యాలీ కాలేజ్ స్టేషన్ దాడి, కెనడాలో భారతీయ విద్యార్థులు, వలసదారుల భద్రతపై మరోసారి ప్రశ్నలు లేవనెత్తింది.ప్రజలు బహిరంగ ప్రదేశాల్లో కఠినమైన భద్రతా చర్యలు తీసుకోవాలని డిమాండ్ చేస్తున్నారు.
కాల్గరీ ఘటనపై అధికారులు ఇంకా పూర్తి సమాచారం తెలియాల్సి ఉంది.ఈ వీడియో మాత్రం సోషల్ మీడియాలో విస్తృతంగా షేర్ అవుతూ, విదేశాల్లో భారతీయులు ఎదుర్కొంటున్న భద్రతా సమస్యలను మరోసారి వెలుగులోకి తెచ్చింది.
