ఊపందుకున్న రాష్ట్రపతి ఎన్నికల హడావుడి..

రాష్ట్రపతి ఎన్నికల హడావుడి ఊపందుకుంది.అధికార, ప్రతిపక్షాలు అభ్యర్థులను ప్రకటించాయి.

ఇరువైపులా ఊహించని అభ్యర్థులు బరిలోకి దిగారు.

సాధారణంగా అధికార కూటమి నిలపిన రాష్ట్రపతి అభ్యర్థి ఓడిన చరిత్ర ఇంతవరకు లేదు.

కాని పాలక ఎన్డీఏ కూటమికి మెజారిటీ లేదు.రెండు శాతం ఓట్లు తక్కువగానే ఉన్నాయి.

ఈ పరిస్థితుల్లో రాష్ట్రపతి ఎన్నికల్లో కీలకంగా మారేది ఎవరు? భారత ప్రథమ పౌరురాలిగా తొలిసారి ఒక ఆదివాసీ మహిళా నేత ఎన్నిక కాబోతున్నారు.ఒడిషాలోని సంథాల్ తెగకు చెందిన ఆదివాసీ నేత ద్రౌపది ముర్మును కేంద్రంలోని అధికార ఎన్డీఏ కూటమి తన అభ్యర్థిగా ప్రకటించింది.ఒక సాధారణ గిరిజన కుటుంబానికి చెందిన ద్రౌపది ముర్ము 1997లో ఒడిషాలో ఒక నగర పంచాయత్ కౌన్సిలర్ గా తన రాజకీయ ప్రస్థానం ప్రారంభించారు.2000 సంవత్సరంలో ఒడిషాలో బీజేపీ, బీజేపీడీ కూటమిలో మంత్రిగా పనిచేశారు.2015లో జార్ఖండ్ గవర్నర్ గా బాధ్యతలు నిర్వహించారు ద్రౌపది ముర్ము.ఇక ప్రతిపక్షాల ఉమ్మడి అభ్యర్థిగా బరిలోకి దిగిన బిహార్ కు చెందిన యశ్వంత్ సిన్హా ఒరిజినల్ గా ఐఏఎస్ ఆఫీసర్.24 ఏళ్ళ సర్వీస్ తర్వాత వీఆర్ఎస్ తీసుకుని జనతాదళ్ పార్టీతో రాజకీయాల్లోకి వచ్చారు.తర్వాత బీజేపీలో చేరారు.

రెండుసార్లు కేంద్ర మంత్రిగా పనిచేశారు.మూడేళ్ళ క్రితమే మమతా బెనర్జీకి చెందిన టీఎంసీలో చేరారు.

ఇప్పుడు రాష్ట్రపతి అభ్యర్థిగా ప్రతిపక్షాలందరి ఆమోదంతో పోటీలోకి దిగారు.తెలంగాణ అధికార పార్టీ టీఆర్ఎస్ కూడా యశ్ంత్ సిన్హాకే మద్ధతిస్తోంది.ఇక తన అభ్యర్థిని గెలిపించుకోవడానికి రెండు శాతం ఓట్లు తక్కువగా ఉన్న ఎన్డీఏ కూటమికి సాయం చేసేవారెవరు?