కేసీఆర్‌కు జగన్ మీద కోపం వచ్చిందా?

తెలుగు రాష్ట్రాలలో ముఖ్యమంత్రులు కేసీఆర్, జగన్ మధ్య ఉన్న అనుబంధం అందరికీ తెలిసిన విషయమే.2019 అసెంబ్లీ ఎన్నికల్లో జగన్ గెలుపు కోసం కేసీఆర్ సహకరించారన్న కామెంట్లు వినిపించాయి.

అవి నిజమో, అబద్ధమో పక్కన పెడితే పలు సందర్భాలలో సీఎం కేసీఆర్, జగన్ కలిసినప్పుడు ఎంతో ఆప్యాయంగా, ప్రేమగా పలకరించుకున్నారు.

సీఎంగా జగన్ ప్రమాణస్వీకారోత్సవానికి కూడా కేసీఆర్ హాజరయ్యారు.ఆ తర్వాత ఇద్దరిపై ఒకరిపై ఒకరు విమర్శలు చేసుకున్న దాఖలాలు కూడా కనిపించలేదు.కట్ చేస్తే.

రాష్ట్రపతి ఎన్నిక తెలుగు రాష్ట్రాల మధ్య చిచ్చు పెట్టింది.ఈ ఎన్నిక కారణంగా కేసీఆర్, జగన్ మధ్య లుకలుకలు వచ్చినట్లు ప్రచారం జరుగుతోంది.

ఒకవైపు దేశంలో మోదీని కేసీఆర్ వ్యతిరేకిస్తున్న సమయంలో.ఏపీ సీఎం జగన్ మాత్రం మోదీకి మద్దతివ్వడం హాట్ టాపిక్‌గా మారింది.

రాష్ట్రపతి ఎన్నికల్లో బీజేపీకి మద్దతు ఇచ్చి జగన్ తాను బీజేపీ పక్షం అని మరోసారి బలంగా చాటుకున్నారు.ఈ పరిణామంతో తెలంగాణ సీఎం కేసీఆర్ షాక్ తిన్నారు.