తెలంగాణ ఎన్నికల నుండి టీడీపీ అవుట్..జనసేన పార్టీ కి సంపూర్ణ మద్దతు!

వచ్చే నెలలో తెలంగాణ వ్యాప్తంగా జరగబొయ్యే సార్వత్రిక ఎన్నికలలో పోటీ చెయ్యడానికి రాజకీయ పార్టీలు సిద్ధం అయ్యాయి.

ప్రధానంగా కాంగ్రెస్ మరియు బీఆర్ఎస్ పార్టీల మధ్య నువ్వా నేనా అనే రేంజ్ పోటీ వాతావరణం నెలకొంది.

కొన్ని సర్వేలు మళ్ళీ బీఆర్ఎస్ పార్టీ( BRS ) అధికారం లోకి వస్తుంది అని అంటుంటే, కొన్ని సర్వేలు మాత్రం కాంగ్రెస్ పార్టీ( Congress Party ) గెలుస్తుందని అంటున్నారు.అయితే ఏ పార్టీ గెలిచినా సంపూర్ణ మెజారిటీ తో ప్రభుత్వాన్ని స్థాపించే పరిస్థితి అయితే ప్రస్తుతం కనిపించడం లేదు.

ఇక పోతే ఆంధ్ర ప్రధాన పార్టీలు వైసీపీ మరియు టీడీపీ ఈ ఎన్నికలకు దూరం గా ఉండాలని నిర్ణయించుకున్నాయి.టీడీపీ పార్టీ( TDP ) ముందుగా పోటీ చెయ్యాలను అనుకుంది కానీ, పరిస్థితులు కలిసొచ్చే లాగ లేకపోవడం తో ఎన్నికల నుండి తప్పుకుంటున్నట్టుగా అధికారిక ప్రకటన చేసింది పార్టీ అధిష్టానం.

పార్టీ స్థాపించిన ఈ నాలుగు దశాబ్దాలలో తెలుగు దేశం పార్టీ తెలంగాణ లో పోటీ చెయ్యకుండా ఉన్నది ఈ ఎన్నికలలోనే.