తండ్రి వ్యవసాయ కూలీ.. కూతురు పదో తరగతిలో టాపర్.. ఈ చిన్నారి సక్సెస్ కు ఫిదా అవ్వాల్సిందే!

కెరీర్ పరంగా ఏ రంగంలోనైనా సక్సెస్ సాధించాలంటే రేయింబవళ్లు ఎంతో కష్టపడాలి.

ఎనిమిదో తరగతిలోనే కుటుంబ సభ్యుల కష్టాన్ని గుర్తించి, గమనించి హేమశ్రీ అనే విద్యార్థిని రేయింబవళ్లు ఎంతో కష్టపడి చదువుకున్నారు.

ఇంజనీర్ కావాలని భావిస్తున్న హేమశ్రీ( Hemashree ) పదో తరగతిలో టాపర్ గా నిలవడంతో పాటు ఎంతోమందికి స్పూర్తిగా నిలిచారు.హేమాశ్రీ పదో తరగతిలో ఏకంగా 594 మార్కులు సాధించారు.

హేమాశ్రీ మాట్లాడుతూ మా నాన్న వ్యవసాయ కూలీగా ఉంటూ ఫ్యామిలీని పోషించేవారని అయితే కూలీగా ఎంత కష్టపడి పని చేసినా వచ్చిన డబ్బు సరిపోయేది కాదని హేమాశ్రీ అన్నారు.సంపాదించిన డబ్బు సరిపోకపోవడంతో నాన్న విశాఖ వచ్చి పూర్ణా మార్కెట్( poorna market ) లో కలాసీగా పని చేస్తున్నారని ఆమె కామెంట్లు చేశారు.

నాకు మంచి మార్కులు వస్తుండటంతో నాన్న ఎప్పుడూ నా చదువు గురించే ఆలోచించేవారని హేమాశ్రీ అన్నారు.