స్మార్ట్‌వాచ్ కాదు, ఇది స్మార్ట్ వెడ్డింగ్ రింగ్.. దీనితో ఎన్ని ప్రయోజనాలో తెలిస్తే..

కొన్నేళ్ల క్రితం వరకు ఫోన్లనేవి మాట్లాడడానికి ఒక వస్తువుగా ఉపయోగపడేవి కానీ ఇప్పుడు అవి చాలా స్మార్ట్‌గా తయారయ్యి అన్ని పనులూ చేసుకోవడానికి వీలు కల్పిస్తున్నాయి.

గడియారాలు కూడా స్మార్ట్‌గా మారిపోయి ప్రజల ప్రాణాలను కాపాడుతున్నాయి.

ఇప్పుడు వెడ్డింగ్ రింగ్‌ను( Wedding Ring ) కూడా స్మార్ట్‌గా మార్చేస్తే తప్పేముంది అని ఒక కంపెనీ ఆలోచన చేసింది.అంతేకాదు, తాజాగా దానిని లాంచ్ చేసి అందరి దృష్టిని ఆకర్షిస్తోంది.

సాధారణంగా ఆభరణం వలె కనిపించే పెళ్లి ఉంగరాన్ని పేమెంట్స్( Payments ) చేయడానికి ఉపయోగించాలనే ఆలోచన ఎవరికీ రాదు.కానీ McLear అనే కంపెనీ అవుట్ ఆఫ్ ది బాక్స్ థింకింగ్‌తో ఉంగరాన్ని పేమెంట్స్ జరపడానికి ఉపయోగించేలా మార్చేసింది.

షాపింగ్ మాల్స్ లో స్వైప్ చేయడానికి ఉపయోగపడే ఈ స్మార్ట్ రింగ్‌ను( Smart Ring ) యూకేలో లాంచ్ చేసింది.దాని పార్ట్‌నర్ అయిన ట్రాన్స్‌కార్ప్‌తో కలిసి ఇండియాలో కూడా దీన్ని ప్రవేశపెట్టాలని యోచిస్తోంది.