స్టార్ సింగర్‌ సోను నిగమ్‌కు యూకేలో అరుదైన గౌరవం ..!!

బాలీవుడ్ స్టార్ సింగర్ సోనూ నిగమ్‌కు( singer Sonu Nigam ) యూకేలో అరుదైన గౌవరం దక్కింది.

సంగీత రంగంలో ప్రపంచవ్యాప్త ప్రభావాన్ని చూపినందుకు గాను గౌరవ ఫెలోషిప్‌ను ఆయన అందుకున్నారు.

నేషనల్ ఇండియన్ స్టూడెంట్స్ అండ్ అలుమ్ని యూనియన్ (ఎన్ఐఎస్ఏయూ) యూకే గత వారాంతంలో లండన్‌లోని వెంబ్లీ ఎరీనాలో నిగమ్‌ని సత్కరించారు.బ్రిటీష్ ఇండియన్ లేబర్ ఎంపీ వీరేంద్ర శర్మ ( MP Virendra Sharma ), స్కూల్ ఆఫ్ ఓరియంటల్ అండ్ ఆఫ్రికన్ స్టడీస్ (ఎస్‌వోఏఎస్)లో ఇండియన్ కల్చర్ ఎమెరిటస్ అయిన ప్రొఫెసర్ రాచెల్ డ్వైర్‌ల చేతుల మీదుగా సోను నిగమ్ ఈ బహుమతిని అందుకున్నారు.

ఈ సందర్భంగా ఎన్ఐఎస్‌ఏయూ యూకే చైర్ సనమ్ అరోరా మాట్లాడుతూ.సంగీతం ద్వారా హృదయాలను , మనస్సులను , దేశాలను ఏకం చేసే వంతెనగా మారారని సోను నిగమ్‌ను అభినందించారు.

ప్రపంచంలోని మొట్టమొదటి లింగమార్పిడి బ్యాండ్‌ను ప్రారంభించడం ద్వారా లింగ సమానత్వం కోసం పోరాడారని అరోరా కొనియాడారు.