“చంద్రబాబు” కి షాక్ ఇవ్వనున్న “ఏపీ మంత్రి” ..ఆ “సర్వే ఎఫ్ఫెక్టే” నా

ప్రతీ ప్రభుత్వం తమ పనితీరుపై ప్రజలు ఏమనుకుంటున్నారో సర్వేలు చేయిస్తూ ఉంటాయి.ఈ విషయంలో ఏపీ సీఎం చంద్రబాబు నాయుడు ముందు ఉంటారు.అయితే తాడిని తన్నే వాడు ఉంటే దాని తల తన్నే వాడు ఉంటాడు అంటారు.

ఇంతకీ అసలు విషయం ఏమిటంటే.ఏపీలో నాయకులు ఇప్పుడు సొంతగా సర్వేలు చేయించుకుంటున్నారట.

షాక్ అయ్యారా ? నిజమేనండి ఇదే ఇప్పుడు ఏపీలో హాట్ టాపిక్ అవుతోంది.ఇది కొత్త విషయం కాకపోయినా ఏపీలో మాత్రం ఇది కొత్తగానే ఉంటంది.

ఎందుకంటే ఈ తరహా సర్వేలు ఎప్పుడు ఎవరూ చేయించలేదు కూడా.అయితే తాజా సమాచారం ప్రకారం వివిధ పార్టీలో ఉన్న నేతలు తాము ఏ పార్టీలో చేరితే బెటర్.? పార్టీలో చేరినా సరే ఎక్కడి నుంచీ పోటీ చేస్తే మంచిది.? ప్రస్తుత పరిస్థితుల్లో వైసీపి, టిడిపి ,జనసేన ఏది బెటర్.అనే ఆలోచనలో ఉన్న నేతలు ఈ సర్వేలని నమ్ముకుని సర్వేల రిజల్ట్స్ పైనే ఆధారపడి ఉన్నారట.

అయితే సర్వేల రారాజు అయిన లగడపాటి ని కూడా కొంతమంది నేతలు కలిసి సంప్రదించినట్టు టాక్ కూడా వినిపిస్తోంది.అయితే లగడపాటిని సంప్రదించిన వారిలో ఎక్కువ మంది అధికార టిడిపికి చెందిన నేతలు,మంత్రులు ఎక్కువ మంది ఉండటం గమనార్హం.

వారిలో ముఖ్యంగా ఓ సీనియర్ మోస్ట్ మంత్రి కూడా ఉన్నారని టాక్ వినిపిస్తోంది.అయితే లగడపాటికి ఇలాంటి సర్వేలు చేయడం చేయడం కొత్త ఏమీ కాదు గతంలో తెలంగాణాకి చెందిన ఓ ప్రముఖ నాయకుడికి ఈ విషయంలోనే ఓ సర్వే చేసి దిశానిర్దేశం చేసిన విషయం మనకి తెలిసిందే.

ఇదే కోణంలో ఏపీ మంత్రులు సైతం ఈ సర్వేలని నమ్ముకోవడంతో ఇప్పుడు అందరూ జాతకాలకి బదులు సర్వేలని నమ్ముకుంటున్నారట.