భారతదేశంలో కుక్కలు, పిల్లులు ఎలా జనావాసాల్లో కనిపిస్తాయో రష్యాలో( Russia ) ఎలుగుబంట్లు అలా తరచుగా కనిపిస్తుంటాయి.ప్రజలు వీటిని చూసి అస్సలు భయపడరు.
అంతేకాదు వాటి ముందు ధైర్యసాహసాలను ప్రత్యేకమైన మార్గాల్లో ప్రదర్శిస్తారు.ఇంటర్నెట్‌లో ఈ అద్భుతమైన విన్యాసాలకు సంబంధించిన వీడియోలు తరచుగా వైరల్ అవుతుంటాయి.
ఇప్పటిదాకా మనం కుక్కల నుంచి విన్యాసాలు చేసే పిల్లుల వరకు అనేక వీడియోలను చూసాం.కొన్ని పెంపుడు జంతువులు అయితే సంగీత వాయిద్యాలను కూడా ప్లే చేస్తూ ఆశ్చర్యపరిచాయి.
ఈ క్లిప్‌లు ప్రపంచవ్యాప్తంగా ఉన్న యానిమల్ లవర్స్‌ను ఆకట్టుకున్నాయి.అయితే రష్యాలో కుక్కలు, పిల్లుల కంటే ఎలుగుబంట్లను( Bears ) ఎక్కువగా పెంచుకుంటారు.వీటికి చాలా స్కిల్స్ కూడా నేర్పిస్తుంటారు.తాజాగా ఒక వ్యక్తి తన పెంపుడు ఎలుగుబంటికి మ్యూజిక్ ఇన్‌స్ట్రుమెంట్‌ నేర్పిస్తూ ఆశ్చర్యపరిచాడు.
అతనికి సంబంధించిన వీడియో సోషల్ మీడియాలో విస్తృతంగా చక్కర్లు కొడుతోంది.
ఈ వీడియోలో ఎలుగుబంటికి హార్మోనికాను( Harmonica ) ఎలా వాయించాలో నేర్పే ప్రయత్నం చేస్తున్న ఒక రష్యన్ వ్యక్తిని మనం చూడవచ్చు.ఆ వ్యక్తి, ఎలుగుబంటి ఒక గదిలో ఒకరికొకరు పక్కపక్కన కూర్చున్నారు.మొదటగా వ్యక్తి హార్మోనికా వాయిస్తాడు.
ఎలుగుబంటికి దీనిని ఈ విధంగా ప్లే చేయాలని చెబుతాడు.ఒక క్షణం తర్వాత, అతను ఎలుగుబంటికి వాయిద్యాన్ని అందజేస్తాడు.
మొదట, ఎలుగుబంటి హార్మోనికా చూసి అయోమయంలో పడినట్లు కనిపిస్తుంది, దానితో ఏమి చేయాలో దానికి తెలియదు.
కానీ యజమాని కొంత గైడెన్స్, ప్రోత్సాహం అందించడంతో ఎలుగుబంటి దానిని ఎలా అప్లై చేయాలో అర్థం చేసుకోవడం ప్రారంభిస్తుంది.ఆపై హార్మోనికాలో ఊదడం ద్వారా శబ్దాలను ప్రొడ్యూస్ చేస్తుంది.ఈ వీడియోను ‘panteleenko_svetlana’ హ్యాండిల్‌ ఇన్‌స్టాగ్రామ్‌లో షేర్ చేసింది.
వీడియోకు 80 లక్షల దాకా వ్యూస్ వచ్చాయి.ఈ ఎలుగుబంటి చాలా బాగా మ్యూజిక్ ప్రొడ్యూస్ చేస్తానని చాలామంది కామెంట్ చేశారు.
ఇలాంటి పని చేసిన దానికి ఏదైనా బహుమతి ఇవ్వాలని కోరారు.కొందరు ఎలుగుబంటి చేసిన ఈ పనిని నమ్మలేకపోతున్నారు.
