న్యూజిలాండ్‌: భారతీయుడి దుకాణంలో దొంగల బీభత్సం.. బిక్కుబిక్కుమంటోన్న ఇండియన్ కమ్యూనిటీ

ప్రశాంతతకు మారుపేరుగా, సురక్షిత దేశంగా వున్న న్యూజిలాండ్‌లో ఇటీవల నేరాలు పెరుగుతున్నాయి.ముఖ్యంగా ఇండియన్ కమ్యూనిటీని లక్ష్యంగా చేసుకుని కొందరు నేరాలకు పాల్పడుతున్నారు.

తాజాగా భారత సంతతికి చెందిన డెయిరీ యజమాని దుకాణాన్ని దొంగల ముఠా లక్ష్యంగా చేసుకుంది.లోపల వుంచిన సిగరెట్లు, నగదును వారు అపహరించుకుపోయారు.

కౌరీలాండ్స్‌లో ఈ ఘటన జరిగింది.బాధితుడు ఉరేష్ పటేల్ మీడియాతో మాట్లాడుతూ.

తాను సోమవారం దుకాణం వెనుక భాగంలో వున్నానని, ఈ క్రమంలో దుండగులు లోనికి చొరబడి దాడికి పాల్పడినట్లు చెప్పాడు.అనంతరం కౌంటర్‌లో వున్న సిగరెట్లను దొంగిలించారని ఆవేదన వ్యక్తం చేశాడు.

తన ముగ్గురు పిల్లలు లోనికి వచ్చి కౌంటర్‌లోని నగదు రిజిస్టర్‌ను గట్టిగా పట్టుకున్నారని పటేల్ తెలిపారు.తన భార్య, కుమార్తె అరుపులు విన్న తాను.

పరిగెత్తుకుంటూ లోనికి వచ్చి వారిని పట్టుకునేందుకు ప్రయత్నించానని, కానీ వారు తనపై దాడి చేసి పారిపోయారని ఉరేష్ పటేల్ చెప్పాడు.