హీరోయిన్ కాళ్లు పట్టుకున్న వర్మ

సంచలన దర్శకుడు రామ్ గోపాల్ వర్మ ఏది చేసిన సంచలనమే.ఆయన తెరకెక్కించే సినిమాలు మొదలుకొని, ఆయన చేసే కామెంట్ల వరకు అన్నీ వివాదాస్పదంగా నిలుస్తాయి.

కాగా ఇటీవల అమ్మ రాజ్యంలో కడప బిడ్డలు అనే సినిమాతో ఏపీ పాలిటిక్స్‌లో వేలు పెట్టిన వర్మ, తాజాగా బ్యూటీఫుల్ అనే సినిమాకు కథను అందించాడు.ఈ సినిమా రిలీజ్‌కు రెడీ అవుతుండగా, చిత్ర ప్రమోషన్స్‌లో వర్మ చేసిన పనికి అందరూ అవాక్కయ్యారు.

ఇంతకీ వర్మ ఏం చేశాడని మీరు అనుకుంటున్నారా? జనవరి 1న రిలీజ్ కానున్న ఈ సినిమా ప్రమోషన్స్‌లో భాగంగా హైదరాబాద్‌లో బ్యూటీఫుల్ చిత్ర యూనిట్‌తో కలిసి వర్మ పాల్గొన్నారు.ఈ సందర్భంగా చిత్రంలో నటించి హీరోయిన్ నైనా గంగూలీతో కలిసి వర్మ చిందులు వేశాడు.

వర్మ డ్యాన్సు వేస్తుండటంతో అక్కడున్న జనం ఈలలు వేసి వర్మను మరింత రెచ్చగొట్టారు.ఈ క్రమంలో వర్మ నైనా గంగూలీ కాళ్లపై పడిపోయాడు.దీంతో అక్కడున్నవారంతా ఒక్కసారిగా నోరెళ్లబెట్టారు.