ఆర్ఆర్ఆర్ ప్రమోషన్స్ ఖర్చుతో ఒక సినిమా తియ్యొచ్చు తెలుసా?

టాలీవుడ్ దర్శక ధీరుడు ఎస్ఎస్ రాజమౌళి దర్శకత్వంలో జూనియర్ ఎన్టీఆర్, రామ్ చరణ్ కలిసి నటించిన తాజా చిత్రం ఆర్ఆర్ఆర్.ఈ సినిమాను ఎస్ .

ఎస్ .రాజమౌళి దాదాపుగా నాలుగు వందల కోట్ల భారీ బడ్జెట్ తో తెరకెక్కించారు.ఈ సినిమాను వెండితెరపై చూడడానికి అభిమానులు ఎంతగానో ఎదురు చూస్తున్నారు.

ఇప్పటికే ఈ సినిమా నుంచి విడుదల అయిన టీజర్ లకు, పోస్టర్ లకు, పాటలకి ప్రేక్షకుల నుంచి భారీగా స్పందన లభించింది.ఇక చెర్రీ అభిమానులు, తారక్ అభిమానులు ఈ సినిమాపై భారీగా అంచనాలు పెట్టుకున్నారు.

ఈ సినిమా ప్రపంచవ్యాప్తంగా జనవరి 7న  ,14 భాషల్లో పాన్ ఇండియా సినిమాగా గ్రాండ్ గా థియేటర్లలో  విడుదల కానుంది.ఇక విడుదల తేది దగ్గర పడుతుండటంతో చిత్రబృందం ఇప్పటికే ప్రమోషన్స్ ను వేగవంతం చేసింది.

ఈ ప్రమోషన్స్ లో భాగంగా దర్శక నిర్మాతలు, హీరోలు క్షణం తీరిక లేకుండా తిరుగుతూ ప్రమోషన్స్  చేస్తూ బిజీ బిజీగా ఉన్నారు.కొన్ని ప్రదేశాలలో ప్రమోషన్స్ చేస్తూ అలసత్వం ప్రదర్శించకుండా సినిమాలను ప్రమోట్ చేస్తూనే ఉన్నారు.

ఇది ఇలా ఉంటే కరోనా వైరస్ మరొక సారి విజృంభిస్తుండడంతో దేశంలోని పలు రాష్ట్రాల్లో ఇప్పటికే థియేటర్లను 50 శాతం ఆక్యుపెన్సీ తో మాత్రమే తెరచాలి అంటూ ఆంక్షలు విధించారు.