ఆ పోస్టర్ మార్చాలంటూ బుక్ మై షోకి ట్వీట్ చేసిన రాధేశ్యామ్ డైరెక్టర్ !

పాన్ ఇండియా స్టార్ హీరో ప్రభాస్ పూజాహెగ్డే జంటగా జిల్ ఫేమ్ దర్శకుడు రాధాకృష్ణ దర్శకత్వంలో ఎంతో ప్రతిష్టాత్మకంగా తెరకెక్కిన ఈ చిత్రాన్ని ఈ నెల 11వ తేదీ ప్రపంచ వ్యాప్తంగా విడుదల చేయనున్నారు.

ఈ క్రమంలోనే పెద్దఎత్తున ఈ సినిమా ప్రమోషన్ కార్యక్రమాలను నిర్వహిస్తున్నారు.

ఇక ఈ ప్రమోషన్ కార్యక్రమాల్లో భాగంగా హీరో ప్రభాస్ ఆఫ్ లైన్ ప్రమోషన్ కార్యక్రమాలను నిర్వహించగా దర్శకుడు రాధాకృష్ణ ఆన్ లైన్ ప్రమోషన్ కార్యక్రమాలను నిర్వహిస్తూ సినిమా పై భారీ హైప్ క్రియేట్ చేస్తున్నారు.ఈ సినిమా ప్రమోషన్ కార్యక్రమాల్లో భాగంగా డైరెక్టర్ రాధాకృష్ణ అభిమానులతో చిట్ చాట్ నిర్వహించారు.

ఈ క్రమంలోనే ఓ అభిమాని బుక్ మై షో టికెటింగ్ పోర్టల్ ఉన్న పోస్టర్ మార్చాలని కోరారు.దీంతో ఈ అభిమాని కోరిక పై స్పందించిన డైరెక్టర్ రాధాకృష్ణ ఈ విషయాన్ని వెంటనే బుక్ మై షో టీమ్ కి తెలియచేస్తానని చెప్పడమే కాకుండా వెంటనే ఆయన బుక్ మై షో టీమ్ కి ట్వీట్ చేశారు.