బన్నీలాంటి కొడుకు ఉంటే బాగుంటుంది.. పుష్పరాజ్ తల్లి కామెంట్స్ వైరల్!

తెలుగులో ఊహించని స్థాయిలో అభిమానులను సొంతం చేసుకున్న హీరోలలో ఐకాన్ స్టార్ అల్లు అర్జున్ ఒకరు.

క్లాస్, మాస్ అనే తేడాల్లేకుండా అన్ని రకాల పాత్రలతో బన్నీ తన సినిమాల ద్వారా ప్రేక్షకులను మెప్పించారు.

పుష్ప సినిమా తెలుగు రాష్ట్రాల్లో రికార్డు స్థాయిలో కలెక్షన్లను సాధిస్తోంది.పుష్ప సినిమా ప్రభంజనం దక్షిణాది రాష్ట్రాలతో పాటు ఉత్తరాదిలో కొనసాగుతోంది.

పుష్ప భారీ బ్లాక్ బస్టర్ హిట్ కావడంతో చిత్రయూనిట్ సంబరాలు చేసుకుంటోంది.ఈ సినిమాలో పుష్పరాజ్ తల్లి పాత్రలో కల్పలత నటించారు.

కల్పలత తాజాగా ఒక ఇంటర్వ్యూలో మాట్లాడుతూ పుష్ప మూవీ గురించి, బన్నీ గురించి ఆసక్తికర విషయాలను చెప్పుకొచ్చారు.బన్నీ షూటింగ్ కు వస్తే సెట్స్ లో తన పాత్ర గురించే ఎక్కువగా ఆలోచిస్తాడని ఆమె కామెంట్లు చేశారు.

బన్నీ తన పర్సనల్ విషయాలను సైతం పక్కన పెట్టి పాత్రలో లీనమైపోతాడని కల్పలత పేర్కొన్నారు.బన్నీకి అంత డెడికేషన్ ఉంటుందని నాకు ఇద్దరు ఆడపిల్లలని మగపిల్లలు లేరని ఎప్పుడూ బాధపడలేదని కల్పలత చెప్పుకొచ్చారు.