ఇస్మార్ట్‌ శంకర్‌ మెప్పిస్తే.. మహేష్‌ జనగణమన పాడేస్తాడట!

ఒకప్పుడు స్టార్‌ హీరోలు సైతం పూరి జగన్నాధ్‌కు పిలిచి ఆఫర్లు ఇచ్చే వారు.కాని ప్రస్తుత పరిస్థితి పూర్తి రివర్స్‌.

చిన్న హీరోలు సైతం పూరితో సినిమా అంటే కాస్త జంకుతున్నారు.పూరితో మూవీ చేసేందుకు ఏ ఒక్కరు ఆసక్తి చూపడం లేదు.

చాలా ప్రయత్నాలు చేసిన తర్వాత రామ్‌ తాజాగా ఇస్మార్ట్‌ శంకర్‌ చిత్రాన్ని చేసేందుకు ముందుకు వచ్చాడు.ఈ చిత్రంపై భారీ అంచనాలు ఉన్నాయి.

ఇద్దరు ముద్దుగుమ్మలు నటిస్తున్న ఈ చిత్రం ఫలితం పూరి ఫ్యూచర్‌ను డిసైడ్‌ చేయబోతున్నట్లుగా సినీ వర్గాల్లో గుసగుసలు వినిపిస్తున్నాయి.పెద్ద ఎత్తున సినిమాను స్వీయ దర్శకత్వంలో నిర్మిస్తున్న పూరి జగన్నాధ్‌ ఈ చిత్రాన్ని హిట్‌ చేసి సూపర్‌ స్టార్‌ డేట్స్‌ తీసుకోవాలని ఆరాట పడుతున్నాడు.