దోమల రాజకీయానికి చెక్ పెట్టిన జైలు అధికారులు ! ఏం చేశారంటే ..?

Sai Mallula

Political Reporter

2023-09-28   11:46:26  IST

టిడిపి అధినేత చంద్రబాబు అరెస్ట్ ( Chandrababu arrest )అయిన దగ్గర నుంచి ఏపీలో రాజకీయ దుమారం రేగుతూనే ఉంది.

Ad

ముఖ్యంగా  దోమల వ్యవహారంపై అధికార, ప్రతిపక్షాల మధ్య విమర్శలు, ప్రతి విమర్శలు జరుగుతున్నాయి .

అలాగే మీడియా లోనూ అనేక డిబేట్లు జరుగుతున్నాయి.స్కిల్ డెవలప్మెంట్ స్కాం లో అరెస్ట్ అయిన టిడిపి( TDP ) అధినేత చంద్రబాబు రాజమండ్రి సెంట్రల్ జైలులో రిమాండ్ లో ఉన్నారు.

చంద్రబాబు జైలుకు వెళ్లి ఇప్పటికే 19 రోజులు అవుతుంది .ఒకవైపు ఆయన బెయిల్  ప్రయత్నాలు జరుగుతూనే ఉన్నాయి .ఇప్పటికే ఈ వ్యవహారం పై హైకోర్టుతో పాటు సుప్రీంకోర్టులోను పిటీషన్లు దాఖలు అయ్యాయి.చంద్రబాబు( Chandrababu ) ఎప్పుడు బెయిల్ పై విడుదల అవుతారా అనే ఉత్కంఠ కొనసాగుతూనే ఉంది.

ఇదిలా ఉంటే ఈనెల 11 నుంచి సెంట్రల్ జైల్లోని ప్రత్యేక బ్యారక్ లో ఉంటున్న చంద్రబాబుకు సరైన వసతులు కల్పించడం లేదని, దోమలు( Mosquitoes ) ఎక్కువగా ఉన్నాయని చంద్రబాబు భార్య భువనేశ్వరి( Nara Bhuvaneshwari ) తో పాటు,  టిడిపి కీలక నాయకులంతా అనేక ఆరోపణలు చేస్తున్నారు .జైల్లో చంద్రబాబును దోమలు కుడుతున్నా, అధికారులు పట్టించుకోవడంలేదని, అసలు ఉద్దేశపూర్వకంగానే చంద్రబాబు ఉన్న జైలు గదిలో దోమలను వదులుతున్నారని అనేక ఆరోపణలు చేస్తున్నారు.దీనిపై పెద్ద రాద్ధాంతమే చోటు చేసుకున్న నేపథ్యంలో, ఈ వ్యవహారానికి పులిస్టాప్ పెట్టేందుకు రాజమండ్రి సెంట్రల్ జైలు అధికారులు రంగంలోకి దిగారు.

ఈ మేరకు జైలు పరిసరాల చుట్టు దోమల నియంత్రణకు చర్యలు చేపట్టారు .జైలు చుట్టూ అధికారులు పెద్ద ఎత్తున దోమల  ఫాగింగ్ చేయించారు .దోమలు బెడద తగ్గించేందుకు ఎప్పుడు లేని విధంగా ప్రత్యేక కార్యక్రమాన్ని చేపట్టారు.