బుల్లితెరపై ప్రసారమవుతున్న కార్యక్రమాలలో ఢీ డాన్స్ షో ఒకటి.గత కొన్ని సంవత్సరాల నుంచి ప్రసారమౌతున్న ఈ కార్యక్రమం ద్వారా ఎంతో మంది కొరియోగ్రాఫర్లు ఇండస్ట్రీకి పరిచయం అయ్యారు.
అయితే ప్రస్తుతం ఈ కార్యక్రమానికి ముందు ఉన్న స్థాయిలో రేటింగ్ రాలేదనే చెప్పాలి.గతంలో ఈ వేదికపై సుధీర్ రష్మీ మెంటర్స్ గా తమదైన శైలిలో సందడి చేయడమే కాకుండా ఈ కార్యక్రమానికి శేఖర్ మాస్టర్ సదా వంటి వారు న్యాయనిర్ణేతలుగా వ్యవహరిస్తూ ఈ కార్యక్రమాన్ని ఎంతో విజయవంతంగా ముందుకు తీసుకెళ్తున్నారు.
ఇక ఈ కార్యక్రమానికి యాంకర్ ప్రదీప్ వ్యాఖ్యాతగా వ్యవహరిస్తున్నారు.
అయితే ఈ కార్యక్రమం నుంచి క్రమంగా ఒక్కొక్కరు బయటకు వెళ్లిపోతున్నారు.
ఈ కార్యక్రమం నుంచి శేఖర్ మాస్టర్ తప్పుకోవడంతో అనంతరం సదా కూడా ఈ కార్యక్రమం నుంచి తప్పుకున్నారు.వీరి స్థానంలో ప్రియమణి జానీ మాస్టర్ వంటి తదితరులు వస్తున్నారు.
అదే విధంగా రష్మీ సుధీర్ కూడా ఈ కార్యక్రమం నుంచి తప్పుకోవడంతో ఈ కార్యక్రమం ద్వారా ప్రేక్షకులకు కావాల్సినంత వినోదం మిస్ అయిందని చెప్పాలి.ఇకపోతే ప్రస్తుతం హైపర్ ఆది యాంకర్ ప్రదీప్ కామెడీతో ఈ కార్యక్రమం అరకొర రేటింగ్ సొంతం చేసుకుంటుంది.
తాజాగా వచ్చే సీజన్ గురించి పెద్ద ఎత్తున ఓ వార్త సోషల్ మీడియాలో చక్కర్లు కొడుతోంది.వచ్చే సీజన్ కి వ్యాఖ్యాతగా యాంకర్ ప్రదీప్ కాకుండా ఇతరులను తీసుకోవాలనే ఆలోచనలో మల్లెమాల వారు ఉన్నట్లు తెలుస్తోంది.యాంకర్ ప్రదీప్ అగ్రిమెంట్ ఈ సీజన్ తో పూర్తి కావడంతో అతని స్థానంలోకి కొత్త యాంకర్ వస్తారు అంటూ పెద్ద ఎత్తున వార్తలు షికార్లు చేస్తున్నాయి.మరి ఈ వార్తలో ఎంతవరకు నిజం ఉందో తెలియదు కానీ యాంకర్ ప్రదీప్ సైతం ఈ కార్యక్రమం నుంచి తప్పకుంటే ఈ కార్యక్రమానికి వచ్చే కాస్త రేటింగ్స్ కూడా పూర్తిగా పడిపోతాయని చెప్పడంలో సందేహం పడాల్సిన పనిలేదు.
తెలుగు వార్త విశేషాలు సులభముగా తెలుసుకోండి!!!!
