ప్రారంభమైన పద్మా వంతెన.. ఎంత పొడుగో.. మరిన్ని ప్రత్యేకతలు ఇవే!

మల్టీపర్పస్ రైలు-రోడ్డు బ్రిడ్జి తాజాగా బంగ్లాదేశ్‌లో ప్రారంభమైంది.పద్మా నదిపై నిర్మించిన ఈ లార్జెస్ట్ బ్రిడ్జిని ఆ దేశ పీఎం షేక్‌ హసీనా జులై 25న లాంచ్ చేశారు.

ఈ బ్రిడ్జి 6.241 కిలోమీటర్లు పొడవు ఉండటం విశేషం.అంటే ప్రస్తుతం రామేశ్వరంలో నిర్మిస్తున్న పంబన్ బ్రిడ్జి కంటే మూడు రెట్లు ఇది పొడవైనది.

అత్యంత పొడవైన ఈ బ్రిడ్జి దేశంలోనే మోస్ట్ లాంగెస్ట్ బ్రిడ్జిగా కూడా చరిత్ర సృష్టించింది.ఈ బ్రిడ్జి వల్ల కోల్‌కతా నుంచి బంగ్లాదేశ్‌ రాజధాని ఢాకాకి చాలా తక్కువ సమయంలోనే చేరుకోవచ్చు.దీని గురించి మరిన్ని వివరాలు ఇప్పుడు తెలుసుకుందాం.10 వేల టన్నుల లోడ్ లిమిట్‌, 18.18 మీటర్ల వెడల్పు, 120 మీటర్ల పొడవు ఉన్న ఈ అతిపెద్ద బ్రిడ్జిని 2014 నవంబర్ 6న నిర్మించడం ప్రారంభించారు.ఈ వంతెన అందుబాటులోకి రాగా ఇప్పుడు దేశ రాజధాని ఢాకా.

ప్రాంతీయ, అంతర్జాతీయ వ్యాపారాలకు అత్యంత ముఖ్యమైన మోంగ్లా ఓడరేవుకి మధ్య దూరం మరింత తగ్గిపోయింది.ఈ బ్రిడ్జి కింద సింగిల్ రైల్వే ట్రాక్ ఉండగా పైన ఫోర్ వే రోడ్డు ఉంది.

ఈ వంతెన గురించి బంగ్లాదేశ్ చాలా గర్వంగా చెప్పుకుంటుంది.ఇది జస్ట్ ఇటుకలు, సిమెంట్, స్టీల్‌, కాంక్రీట్‌ గల నిర్మాణమే కాదని, తమ దేశ శక్తి సామర్థ్యాలు, గౌరవానికి ప్రతీక అని తాజాగా ప్రధాని హసీనా చెప్పారు.

ఈ బ్రిడ్జి బంగ్లాదేశ్ లో నిర్మించిన అత్యంత ఛాలెంజింగ్ నిర్మాణంలో ఒకటి.ఈ వంతెనతో బంగ్లాదేశ్ స్థూల దేశీయోత్పత్తి 1.2 శాతం పెరగనుంది.బంగ్లాదేశ్‌లోని 17 కోట్ల ప్రజల కల ఈ వంతెన కోసం ఎన్నో రోజులుగా కలలు కంటున్నారు.

ఇప్పుడు అది అందుబాటులోకి రావడంతో వారి ఆనందానికి అవధులు లేకుండా పోయాయి.