పిడుగు పడి ఎన్నారై విద్యార్థిని బ్రెయిన్ డామేజ్.. కన్నీరుమున్నీరు అవుతున్న తల్లిదండ్రులు!

అమెరికా దేశం,( America ) టెక్సాస్ రాష్ట్రం, హ్యూస్టన్‌ సిటీలో ఓ విషాద సంఘటన చోటుచేసుకుంది.

సిటీలోని హ్యూస్టన్‌ యూనివర్సిటీలో చదువుతున్న ఎన్నారై స్టూడెంట్ సుస్రూణ్య కోడూరు (25)( Susroonya Koduru ) పిడుగుపాటుకు గురయింది.

దాంతో ఆమెకు బ్రెయిన్ డ్యామేజ్( Brain Damage ) అయింది.జులై నాలుగో వారంలో తన స్నేహితులతో కలిసి శాన్ జాసింటో మాన్యుమెంట్ పార్క్‌లోని చెరువుకు సమీపంలో నడుచుకుంటూ వెళుతుండగా ఆమెపై పిడుగు పడింది.

ఈ పిడుగు దాడిలో ఆమె తీవ్రంగా గాయపడింది.ప్రస్తుతం ఆసుపత్రిలో చేరిన ఆమెకు మెరుగైన చికిత్స అందించడం అత్యవసరంగా మారింది.

వైద్యచికిత్స డబ్బుతో కూడుకున్న పని కాబట్టి ఆమె కుటుంబసభ్యులు చాలా ఆందోళన చెందుతున్నారు.ఆమె వైద్య ఖర్చుల కోసం డబ్బు సేకరించడానికి, తల్లిదండ్రులను భారతదేశం నుంచి అమెరికాకు తీసుకురావడానికి వారు GoFundMeలో ఫండ్ రైజింగ్ కూడా ప్రారంభించారు.