మహేష్ సినిమాలో తమ్మూ డ్యాన్స్.. నమ్మితే అంతే!

తెలుగు సూపర్ స్టార్ మహేష్ బాబు నటిస్తోన్న తాజా చిత్రం ‘సరిలేరు నీకెవ్వరు’ ప్రస్తుతం శరవేగంగా షూటింగ్ జరుపుకుంటోంది.

ఇప్పటికే ఈ సినిమాకు సంబంధించిన మెజారిటీ షూటింగ్ పార్ట్ పూర్తయింది.

దర్శకుడు అనిల్ రావిపూడి డైరెక్ట్ చేస్తున్న ఈ సినిమాలో మహేష్ ఓ ఆర్మీ ఆఫీసర్‌గా కనిపిస్తాడని మనకు ఫస్ట్ టీజర్‌తోనే చెప్పేశారు చిత్ర యూనిట్.ఇకపోతే ఈ సినిమాలో హీరోయిన్‌గా అందాల భామ రష్మిక మందన నటిస్తోన్న సంగతి తెలిసిందే.

కాగా ఎప్పటిలాగే మహేష్ సినిమాలో ఓ ఐటెం సాంగ్ కూడా ఉంటుందని.అది మిల్కీ బ్యూటీ తమన్నా చేస్తోందనే వార్త ప్రస్తుతం టాలీవుడ్‌లో తెగ హల్‌చల్ చేస్తోంది.

దీంతో తమన్నా ఐటెం సాంగ్ అంటే ఈ సినిమాకు మరింత బూస్ట్ రావడం ఖాయమని చిత్ర వర్గాలు ఆశిస్తున్నాయి.ఇప్పటికే ఈ విషయంపై తమన్నాను చిత్ర యూనిట్ సంప్రదించిందంటూ వార్తలు కూడా వచ్చాయి.