ఇంద్ర నిర్మాతకు విలువైన కానుక అందించిన మెగాస్టార్.. ఈ హీరోకు ఎవరూ సాటిరారుగా!

టాలీవుడ్ స్టార్ హీరో మెగాస్టార్ చిరంజీవి( Megastar Chiranjeevi ) ప్రస్తుతం విశ్వంభర సినిమాతో బిజీగా ఉండగా చిరంజీవి ఇంద్ర మూవీ( Indra ) తాజాగా రీరిలీజ్ అయ్యి రికార్డ్ స్థాయిలో కలెక్షన్లను సొంతం చేసుకున్న సంగతి తెలిసిందే.

చిరంజీవి అంటే అభిమానులకు ఎంత స్పెషల్ అనే విషయం ఇంద్ర మూవీ రీరిలీజ్ తో మరోసారి క్లారిటీ వచ్చింది.

ఇంద్ర నిర్మాత అశ్వనీదత్ కు చిరంజీవి ఒక అందమైన శంఖాన్ని గిఫ్ట్ గా అందజేశారు.చిరంజీవి తనకు ఇచ్చిన బహుమతి గురించి అశ్వనీదత్ స్పందిస్తూ ఈ విజయ శంఖాన్ని( Conch gift ) కానుకగా మీరు ఇచ్చారని కానీ ఇంద్రుడై, దేవేంద్రుడై దానిని పూరించింది మాత్రం ముమ్మాటికీ మీరేనని అశ్వనీదత్ కామెంట్లు చేశారు.

ఈ కానుక అమూల్యమని ఈ జ్ఞాపకం అపురూపమని ఆయన చెప్పుకొచ్చారు.అదెప్పటికీ నా గుండెలో పదిలం అని అశ్వనీదత్ పేర్కొన్నారు.