వాకింగ్‌కి వెళ్లిన ఒంటరి మహిళను హత్య చేసేందుకు ప్రయత్నించిన దొంగ.. వీడియో వైరల్..

పట్టపగలే కాదు వేకువజామున కూడా దొంగలు( Thieves ) రెచ్చిపోతున్నారు.ఒంటరిగా కనిపించిన వారిపై దాడులు చేసి వారిని దోచుకుంటున్నారు.

ఇటీవల ఢిల్లీలోని ద్వారకలో( Dwaraka ) ఓ నిర్మానుష్య రహదారిపై మహిళ ఒంటరిగా వాకింగ్( Walking ) చేస్తుండగా ఆమెపై దాడికి పాల్పడ్డాడో దొంగ.ఆ మహిళను హత్య చేసేందుకు ప్రయత్నించాడు.

వెనుక నుంచి వచ్చి సడన్‌గా మెడను పట్టుకుని గట్టిగా ఒత్తుతూ హత్యాయత్నం చేశాడు.ఆమెను కింద పడేసి ఆపై ఆమె పర్సు, ఫోన్‌ను తీసేసుకుని అక్కడి నుంచి పరారయ్యాడు.

దాని తర్వాత ఆ మహిళ ఎలాగోలా లేచి అక్కడినుంచి పారిపోగలిగింది.అయితే ఘటన జరిగిన కొన్ని గంటలకే సదరు దొంగను పోలీసులు పట్టుకుని ఆమె పర్సు, ఫోన్‌ను స్వాధీనం చేసుకున్నారు.

ఈ వార్తను సోమవారం వార్తా సంస్థ PTI నుంచి నివేదించింది.మరో వార్తా సంస్థ ANI ఈ దాడికి సంబంధించిన వీడియోను ఎక్స్‌ ప్లాట్‌ఫామ్‌లో షేర్ చేసింది.