ఆసిఫాబాద్ జిల్లా జక్కులపల్లిలో భూవివాదం.. ముగ్గురు మృతి

ఆసిఫాబాద్ జిల్లా రెబ్బెన మండలం జక్కులపల్లిలో దారుణం జరిగింది.భూ తగాదాల నేపథ్యంలో రెండు కుటుంబాల మధ్య వివాదం రాజుకుందని తెలుస్తోంది.

ఈ క్రమంలో కత్తులు, గొడ్డళ్లతో పరస్పర దాడులకు పాల్పడ్డారు.దాడుల్లో ముగ్గురు మృతిచెందగా మరొకరి పరిస్థితి విషమంగా ఉందని సమాచారం.

స్థానికుల ద్వారా సమాచారం అందుకున్న పోలీసులు ఘటనా స్థలానికి చేరుకుని పరిస్థితిని సమీక్షించారు.అనంతరం భూ వివాదంపై కేసు నమోదు చేసి దర్యాప్తు చేస్తున్నారు.