వారాహి@4 ఫోర్ - కొత్త సీన్ కనపడబోతుందా ?

ఇప్పటికే మూడు విడుతల వారాహి విజయయాత్రతో( Varahi Vijaya Yatra ) తాను అనుకున్న రాజకీయ మైలేజ్ సాధించిన పవన్ కళ్యాణ్( Pawan Kalyan ) చాలా గ్యాప్ తర్వాత నాలుగో విడత యాత్రకు శ్రీకారం చుట్టారు.

అక్టోబర్ ఒకటో తారీకు నుంచి కృష్ణాజిల్లా వేదికగా వారాహి విజయ యాత్ర 5వ తేదీ వరకు కొనసాగుతుందని ఆ పార్టీ రాజకీయ వ్యవహారాల చైర్మెన్ నాదెండ్ల మనోహర్( Nadendla Manohar ) వెల్లడించారు.

అయితే మూడు విడతల వారాహి యాత్రకు భిన్నంగా నాలుగో విడత యాత్ర జరగబోతుందంటూ జనసేన శ్రేణులు చెప్తున్నట్టుగా వార్తలు వస్తున్నాయి .మూడో విడతకు నాలుగో విడతకు మధ్య అనేక కీలక రాజకీయ పరిణామాలు ఆంధ్రప్రదేశ్లో జరిగినందున వాటి ప్రభావం ఈ యాత్రపై ఉంటుందని తెలుస్తుంది.