జబర్దస్త్ కి రమ్మని వాళ్ళు పిలవరు.. పిలిచినా నేను వెళ్ళను.. అప్పారావు కామెంట్స్ వైరల్!

తెలుగు బుల్లితెర ప్రేక్షకులకు జబర్దస్త్ షో గురించి ప్రత్యేకంగా పరిచయం అక్కర్లేదు.ఈ జబర్దస్త్ షో ద్వారా ఎంతోమంది కమెడియన్ లు ఇండస్ట్రీకి పరిచయం అయ్యారు.

అంతేకాకుండా ఎంతోమంది కమెడియన్లు వెండి తెరకు కూడా పరిచయమైన విషయం తెలిసిందే.ఈ జబర్దస్త్ ఎంతో మంది ఆర్టిస్టులకు జీవితాన్ని ఇచ్చింది అని చెప్పవచ్చు.

ఈ జబర్దస్త్ స్టేజ్ ద్వారా ఎంతోమంది పాపులర్ అయ్యారు.అలాంటివారిలో జబర్దస్త్ కమెడియన్ అప్పారావు కూడా ఒకరు.

ఈ మధ్యకాలంలో అప్పారావు జబర్దస్త్ తెలుగులో అంతగా కనిపించడం లేదు.అయితే జబర్దస్త్ షోలో తాను కనిపించకపోవడానికి అసలు కారణాన్ని బయట పెట్టేసాడు అప్పారావు.

తాజాగా ఇంటర్వ్యూలో పాల్గొన్న అప్పారావు పలు షాకింగ్ విషయాలు బయట పెట్టేసాడు.చెప్పుడు మాటలు విని తనను హోల్డ్ లో పెట్టారని, కరోనా సమయంలో నా వయసు ఎక్కువ కావడంతో కొద్ది రోజులు దూరంగా ఉండమని చెప్పారని ఆ తర్వాత నన్ను పూర్తిగా హోల్డ్ లో పెట్టేశారు అంటూ ఆవేదన వ్యక్తం చేశాడు అప్పారావు.

అలా తనను హోల్డ్ లో పెట్టడం వల్ల తనకు బాధగా అనిపించి జబర్దస్త్ షోని మానేసాను అని చెప్పుకొచ్చాడు అప్పారావు.అనంతరం కమెడియన్ బుల్లెట్ భాస్కర్ గురించి మాట్లాడుతూ బుల్లెట్ భాస్కర్ ని గొప్పగా పొగిడాడు.

అంతేకాకుండా బుల్లెట్ భాస్కర్ తనని ఎప్పుడూ కూడా హర్ట్ చేయలేదని తెలిపాడు.