బ్రిటన్‌లో కేర్‌టేకర్‌లపై వేధింపులు .. భారత సంతతి జర్నలిస్ట్ అండర్ కవర్ ఆపరేషన్‌‌తో వెలుగులోకి

మెరుగైన అవకాశాల కోసం కావొచ్చు, జీవనోపాధి కోసం కావొచ్చు.ఎంతోమంది భారతీయులు విదేశాలకు వలస వెళ్తున్నారు.

కానీ అక్కడికి వెళ్లాక కానీ అసలు వాస్తవాలు తెలియవు.వెట్టి చాకిరీ, తగినంత వేతనం ఇవ్వకపోవడం, వేధింపులు వంటివి ఎదుర్కోవాల్సి వస్తోంది.

తాజాగా ఈశాన్య ఇంగ్లాండ్‌లోని వృద్ధుల సంరక్షణ గృహానికి కేర్ అసిస్టెంట్‌గా వెళ్లిన కేరళకు చెందిన భారత సంతతి రిపోర్టర్ బాలకృష్ణన్ బాలగోపాల్( Reporter Balakrishnan Balagopal ) అనే జర్నలిస్ట్ అక్కడి పరిస్ధితులను కనుగొన్నారు.ఓ వార్తా సంస్థ కోసం ఆయన అండర్ కవర్ ఆపరేషన్ చేసి సంచలన విషయాలను వెలుగులోకి తెచ్చారు.

సదరు కేర్ టేకర్ల నుంచి భారతీయ రిక్రూట్‌మెంట్ సంస్థలు వేల పౌండ్లను వసూలు చేసి సుదీర్ఘ కాంట్రాక్ట్‌లను కుదుర్చుకుంటున్నాయి.ఒకవేళ మధ్యలోనే ఉద్యోగాన్ని వదిలేస్తే భారీ జరిమానాలను విధిస్తున్నట్లు బాలగోపాల్ గుర్తించారు.

దేశంలోని హెల్త్ కేర్ సెక్టార్‌లో సిబ్బంది కొరతను అధిగమించడానికి గతేడాది 1,40,000 మందికి బ్రిటన్ వీసాలను మంజూరు చేసింది.ఇందులో ఒక్క భారత్ నుంచే 39,000 మంది యూకేకు వెళ్లారు.

విదేశీ సంరక్షకుల జీవితాలను తాను లోతుగా పరిశోధించినప్పుడు దోపిడీ, అప్పులు, కుటుంబం నుంచి విడిపోవడం వంటి విషయాలను గుర్తించినట్లు బాలగోపాల్ తెలిపారు.