సింగపూర్ : యోగా సెంటర్‌లో మహిళలపై వేధింపులు, భారతీయుడిపై అభియోగాలు.. నేరం రుజువైతే

యోగా సెంటర్‌లో మహిళలపై వేధింపులకు పాల్పడిన అభియోగాలపై సింగపూర్‌లో ఓ భారతీయుడు ఆరోపణలు ఎదుర్కొంటున్నాడు.అతనిని రాజ్‌పాల్ సింగ్‌గా గుర్తించారు.

సెంట్రా బిజినెస్ డిస్ట్రిక్ట్‌లో యోగా సెంటర్‌లో రాజ్‌పాల్‌ నలుగురు మహిళలపై వేధింపులకు పాల్పడినట్లు .ప్రాసిక్యూటర్లు 8 అభియోగాలు నమోదు చేశారు.జూలై 11, 2020న రాజ్‌పాల్ తనపై వేధింపులకు పాల్పడినట్లు ఒక మహిళ ఆరోపించింది.

అప్పడు తన వయసు 24 సంవత్సరాలని చెప్పింది.యోగా క్లాస్ ముగిసిన తర్వాత ఏం జరిగిందో, రాజ్‌పాల్ తనతో ఎలా ప్రవర్తించాడో తన మిత్రుడికి వాట్సాప్ ద్వారా తెలిపింది.

డిప్యూటీ పబ్లిక్ ప్రాసిక్యూటర్ సెలీన్ యాప్ సింగ్ ఈ విషయాన్ని కోర్టుకు తెలిపినట్లు ది స్ట్రెయిట్స్ టైమ్స్ నివేదించింది.అంతేకాకుండా ఆ సమయంలో ట్రస్ట్‌లో సేల్స్ అసిస్టెంట్ మేనేజర్‌గా వున్న అరవింద్ గణరాజ్‌తోనూ దీనిపై మాట్లాడింది.

ఆ మరుసటి రోజు ఛాటింగ్ ద్వారా ఒకరికొకరు సంభాషించుకున్నారు.అనంతరం జూలై 31, 2020న ఆ మహిళ తన అనుభవాన్ని ట్విట్టర్‌లో పోస్ట్ చేసింది.

ఆ వెంటనే 28, 37 ఏళ్లు వున్న మరో ఇద్దరు మహిళలు తొలి బాధితురాలిని సంప్రదించారు.