భారతీయులకు మాత్రమే : కువైట్ లోని ఇండియన్ ఎంబసీ కీలక ప్రకటన...

కరోనా కొత్త రూపు ఒమెక్రాన్ ప్రపంచ వ్యాప్తంగా ఇప్పటికే దాదాపు 90 దేశాలకు విస్తరించింది.అత్యధికంగా ఈ మహమ్మారి బ్రిటన్ పై తన ప్రభావం చూపుతోంది.

కేవలం రెండు రోజుల్లో 15 వేల కేసులు నమోదు కావడంతో పాటు ఇప్పటి వరకూ 12 మందికి పైగా చనిపోవడంతో అన్ని దేశాలు అలెర్ట్ అవుతున్నాయి.దాంతో విదేశాలలో ఉంటున్న భారతీయులను అప్రమత్తం చేస్తూ భారత ఎంబసీలు ఎన్నారైలకు కీలక సూచనలు చేస్తున్నాయి.

ఈ క్రమంలోనేకువైట్ లోని భారత ఎంబసీ అక్కడి ఎన్నారైలకు కీలక ప్రకటన చేసింది.ఒమెక్రాన్ తీవ్ర స్థాయిలో విరుచుకుపడుతున్న క్రమంలో ఎంబసీ ముందస్తు చర్యలలో భాగంగా ఎన్నారైలు అందరితో కలిసి ఓపెన్ హౌస్ కార్యక్రమాన్ని నిర్వహించనున్నట్లుగా ప్రకటించింది.ఈ నెల 22 వ తేదీన కువైట్ లోని భారతీయ ప్రవాసులు అందరూ ఈ ఓపెన్ హౌస్ కార్యక్రమానికి తప్పకుండా రావాలని పిలుపునిచ్చింది.22తేదీ మధ్యాహ్నం 3:30 గంటలకు ఈ కార్యక్రమం ప్రారంభమవుతుందని తెలిపింది.