సుప్రీం కోర్టులో కూడా కొరటాల శివకు షాక్.. ఎనిమిదేళ్ల క్రితం చేసిన తప్పు ఇప్పుడు శాపమైందా?

మహేష్ బాబు , కొరటాల శివ( Mahesh Babu, Koratala Shiva ) కాంబినేషన్ లో తెరకెక్కిన శ్రీమంతుడు సినిమా( Srimanthudu movie ) బాక్సాఫీస్ వద్ద బ్లాక్ బస్టర్ హిట్ గా నిలిచిన సంగతి తెలిసింది.

ఊరిని దత్తత తీసుకునే కాన్సెప్ట్ తో తెరకెక్కిన ఈ సినిమా మహేష్ బాబు అభిమానులకు ఎంతగానో నచ్చేసింది.

అయితే ఈ సినిమా కాపీరైట్ వివాదంలో చిక్కుకున్న సంగతి తెలిసిందే.శరత్ చంద్ర( Sarat Chandra ) అనే రైటర్ ఈ సినిమా కథ నాదేనంటూ అప్పట్లో చేసిన హంగామా అంతాఇంతా కాదు.

ఈ కేసు చివరకు సుప్రీం కోర్టుకు చేరగా హైకోర్టు ఆదేశాల ప్రకారం కొరటాల శివ క్రిమినల్ కేసును ఫేస్ చేయాల్సిందేనని ఆదేశాలు వెలువడ్డాయి.నిరంజన్ రెడ్డి ( Niranjan Reddy )ఈ కేసును వాదించగా కోర్టులో కొరటాల శివకు అనుకూలంగా తీర్పు రాకపోవడం గమనార్హం.

కొరటాల శివ ఈ కేసు గురించి రాబోయే రోజుల్లో ఎలా స్పందిస్తారో చూడాల్సి ఉంది.ఎనిమిదేళ్ల క్రితం చేసిన తప్పు ఇప్పుడు శాపమైందని కామెంట్లు వినిపిస్తున్నాయి.