స్కాటిష్ లైట్‌హౌస్‌లో దొరికిన 132 ఏళ్ల బాటిల్ మెసేజ్.. అందులో ఏం రాసుందంటే..?

ఇటీవల దక్షిణ స్కాట్లాండ్‌లోని కార్స్‌వాల్ లైట్‌హౌస్‌లో( Corsewall Lighthouse ) 132 ఏళ్ల నాటి బాటిల్‌ మెసేజ్ దొరికింది! బీబీసీ నివేదిక ప్రకారం, స్కాట్లాండ్‌లోని( Scotland ) ఒక లైట్‌హౌస్‌లో ఇంత ఓల్డ్ బాటిల్‌ మెసేజ్( Old Bottle Message ) దొరకడం ఇదే తొలిసారి.

క్వీల్, ఇంకుతో రాసిన ఈ సందేశం 1892, సెప్టెంబర్ 4న నాటిది.

లైట్‌హౌస్‌లో మోడర్న్ లైట్ సిస్టమ్‌ను ఇన్‌స్టాల్ చేసిన ముగ్గురు ఇంజనీర్ల పేర్లు, ఆ సమయంలో అక్కడ పనిచేసిన ముగ్గురు లైట్‌హౌస్ కీపర్ల పేర్లు ఈ సందేశంలో ఉన్నాయి.ఈ బాటిల్‌ను నార్తర్న్ లైట్‌హౌస్ బోర్డ్‌కు చెందిన మెకానికల్ ఇంజనీర్ రాస్ రస్సెల్( Mechanical Engineer Ross Russell ) కనుగొన్నారు.

ఇది కప్‌బోర్డ్ ప్యానెళ్ల వెనుక, చేరుకోలేని ప్రదేశంలో దాగి ఉంది.ప్రస్తుత టీమ్ దీన్ని బయటకు తీయడానికి రోప్, బ్రూమ్ హ్యాండిల్‌ని ఉపయోగించి ఒక సాధనాన్ని తయారు చేసింది.

ఆపై బాటిల్‌ను జాగ్రత్తగా తెరిచారు! లైట్‌హౌస్‌లో పార్ట్‌టైమ్‌ కీపర్‌గా పనిచేసే బారీ మిల్లర్ రావడానికి టీమ్ వెయిట్ చేసింది.మిల్లర్ వారిని మెచ్చుకుని, ఈ ఆవిష్కరణలో సాయం చేశాడు.