ఈ నటుడు 300 సినిమాలు చేసినా అలాంటి గుర్తింపు మాత్రం రాలేదట.. ఏమైందంటే?

హాస్య నటుడిగా, రచయితగా గుండు సుదర్శన్ సినిమా రంగంలో మంచి గుర్తింపును సంపాదించుకున్నారు.300కు పైగా సినిమాలలో గుండు సుదర్శన్ నటించగా ఈ సినిమాలలో కొన్ని సినిమాలు మాత్రమే ఈ నటుడికి మంచి గుర్తింపును తెచ్చిపెట్టాయి.

బీటెక్ సివిల్ ఇంజనీరింగ్ చదివిన ఈ నటుడు నటనపై మక్కువతో సినిమాల్లోకి వచ్చాడు.

మిస్టర్ పెళ్లాం సినిమాతో గుండు సుదర్శన్ నటుడిగా కెరీర్ ను మొదలుపెట్టారు.ఒక ఇంటర్వ్యూలో తాను ఏవీఎస్ ఒకే సమయంలో కెరీర్ ను మొదలుపెట్టామని గుండు సుదర్శన్ తెలిపారు.

ఏవీఎస్ గారు అప్పటికే సినిమాల్లోకి రావాలని ప్రయత్నాలు చేస్తుండేవారని ఆయన జర్నలిస్ట్ కావడంతో ఇండస్ట్రీకి చెందిన వాళ్లతో పరిచయం ఉందని ఆయన తెలిపారు.జర్నలిస్ట్ మిత్రులతో ఉన్న పరిచయం వల్ల ఆయనకు వాళ్లు కూడా సపోర్ట్ చేశారని ఆయనకు పీఆర్ కూడా బాగా ఉండేదని గుండు సుదర్శన్ అన్నారు.

నేను రచయితనైనా నా సీన్ల విషయంలో మార్పులు చెప్పనని ఆయన తెలిపారు.ఈ మధ్య కాలంలోనే తాను రచయితగా మారానని సుదర్శన్ చెప్పుకొచ్చారు.నాకు సంతృప్తిని ఇచ్చిన సినిమాలు తక్కువని ఆయన తెలిపారు.