నిత్యం గ్యాస్ సమస్యతో బాధపడుతున్నారా.. అయితే ఈ జాగ్రత్తలు తప్పకుండా పాటించండి!

నిత్యం మీరు గ్యాస్ సమస్యతో బాధపడుతున్నారు అంటే మీ జీవన శైలి సక్రమంగా సాగడం లేదని అర్థం.అందుకే మీ లైఫ్ స్టైల్ లో కొన్ని మార్పులు చేర్పులు చేసుకోవాల్సి ఉంటుంది.ముఖ్యంగా నిత్యం గ్యాస్ సమస్యతో బాధపడేవారు బయట ఆహారాలను తీసుకోవడం పూర్తిగా మానేయాలి.

ఫాస్ట్ ఫుడ్స్, జంక్ ఫుడ్స్, ఆయిల్ ఫుడ్స్, స్పైసీ ఫుడ్స్ ను కంప్లీట్ గా ఎవైడ్ చేయాలి.గ్యాస్ సమస్య ఏర్పడినప్పుడు ఒకే చోట అస్సలు కూర్చోకూడదు.

అటు ఇటు నడుస్తూ ఉండాలి.దీని వల్ల గ్యాస్ సులభంగా బయటకు వస్తుంది.

గ్యాస్ సమస్య మీ దరి చేరకుండా ఉండాలి అంటే ఖ‌చ్చితంగా మీరు హైడ్రేటెడ్( Hydrated ) గా ఉండాలి.అందుకోసం నిత్యం రెండు నుంచి మూడు లీటర్ల వాటర్ ను తీసుకోవాలి.

కూల్ డ్రింక్స్, సాఫ్ట్ డ్రింక్స్, కృత్రిమ స్వీటెనర్స్ వంటి వాటిని తీసుకోవడం మానేయాలి.అలాగే భోజనం చేసేటప్పుడు త్వరత్వరగా తినేస్తుంటారు.

ఈ అలవాటు ఉంటే కనుక మానుకోండి.భోజనం బాగా నములుతూ నెమ్మదిగా తినాలి.