పవర్ స్టార్ పవన్ కళ్యాణ్( Pawan kalyan ) లైనప్ లో చాలా సినిమాలు ఉన్నాయి.పవన్ ఇటీవల ప్రకటించిన సినిమాలను ముందుగా పూర్తి చేస్తూ ఎప్పుడో రెండేళ్ల క్రితం ప్రకటించిన సినిమాను మాత్రం వెనుక పెట్టాడు.

ఆ సినిమానే ”హరిహర వీరమల్లు”.ఈ సినిమా మాత్రం ఎందుకో తెలియదు కానీ ఆలస్యం అవుతూ వస్తుంది.

ఈ సినిమా ఇప్పటికే 70 శాతం పూర్తి అయినట్టు టాక్.

క్రిష్(Krish Jagarlamudi ) దర్శకత్వంలో తెరకెక్కుతున్న ఈ సినిమా గత రెండేళ్లుగా షూటింగ్ జరుపు కుంటూనే ఉంది.

పవన్ కళ్యాణ్ మొదటిసారి పీరియాడికల్ డ్రామా చేస్తున్నాడు.అది కూడా పాన్ ఇండియా సినిమా కావడం విశేషం.

మొఘల్ కాలం నాటి ఫిక్షన్ కథతో తెరకెక్కుతున్న ఈ సినిమాలో పవన్ కళ్యాణ్ కు జంటగా నిధి అగర్వాల్ హీరోయిన్ గా నటిస్తుండగా.ఎం ఎం కీరవాణి సంగీతం అందిస్తున్నాడు.

జాక్వెలిన్ ఫెర్నాండేజ్ ( Jacqueline Fernandez )కీ రోల్ లో నటిస్తుంది.చూడాలి ఈ సినిమా ఎలాంటి హిట్ అందుకుంటుందో.మెగా సూర్య ప్రొడక్షన్స్ పై ఈ సినిమామీ ఎం ఎం రత్నం నిర్మిస్తున్నారు.ఇదిలా ఉండగా ఈ సినిమాకు మరో దెబ్బ పడినట్టు తెలుస్తుంది.గత రాత్రి ఈ సినిమా కోసం వేసిన సెట్స్ లో అగ్నిప్రమాదం సంభవించినట్టు తెలుస్తుంది.హైదరాబాద్ లోని దుండిగల్ ప్రాంతంలో ఈ సినిమా కోసం ఒక సెట్ వేసారట.

ఈ సెట్స్ లో మంటలు రావడంతో స్థానికులు అగ్నిమాపక సిబ్బందికి సమాచారం ఇవ్వడంతో వారు మంటలను అదుపు చేసినట్టు తెలుస్తుంది.అయితే వీరమల్లు టీమ్ నుండి మాత్రం ఇంకా ఎటువంటి అధికారిక సమాచారం రాలేదు.ఈ సినిమా కోసం వేసిన సెట్ ఆ మధ్య వర్షం కారణంగా తీవ్రంగా ధ్వంసం అయ్యింది.ఆ సెట్ కు మరమత్తులు చేస్తున్న సమయంలోనే మళ్ళీ అగ్ని ప్రమాదం జరిగింది.

ఇలా ఈ సినిమా నిర్మాతకు మాత్రం దెబ్బ మీద దెబ్బ పడుతూనే ఉంది.పవన్ కాల్ షీట్స్ ఇవ్వకుండా చేస్తున్న జాప్యం వల్ల ఇప్పటికే నిర్మాతకు భారీ నష్టం వాటిల్లుతుంది.

ఇక ఇప్పుడు ఈ సెట్స్ పాడవ్వడం కూడా ఈయనకు మరో దెబ్బ పడుతుంది.ఇటీవలే పవన్ ఈ సినిమాకు కాల్ షీట్స్ ఇచ్చినట్టు తెలుస్తుంది.

ఇంతలోనే ఈ అగ్నిప్రమాదం మళ్ళీ అడ్డంకులను సృష్టించింది.