ఇద్దరి కుటుంబాల్లో విషాదం నింపిన వివాహేతర సంబంధం.. !

ఈ మధ్యకాలంలో జరుగుతున్న హత్యలను గానీ, ఆత్మహత్యలను గానీ పరిశీలిస్తే ఎక్కువగా వివాహేతర సంబంధాల వల్ల చోటు చేసుకుంటున్నాయని తెలుస్తుంది.

ఆనందంగా సాగుతున్న కాపురాల్లో అర్దాంతరంగా ప్రవేశిస్తున్న ఈ ఇల్లీగల్ ఎఫైర్స్ వల్ల ప్రాణాలు కోల్పోతున్న వారు ఎక్కువగానే కనిపిస్తున్నారు.

ఇలాంటి చర్యల వల్ల వీరినే నమ్ముకున్న కుటుంబాల్లో తీరని విషాదం నెలకొంటుంది.కాగా తాజాగా నిజామాబాద్ జిల్లాలో కూడా ఇలాంటి ఘటనే ఇద్దరి ప్రాణాలను బలిగొంది.

ఆ వివరాలు చూస్తే.ఆర్మూర్ మండలం ఆలూరు గ్రామానికి చెందిన చిత్తూరి సాయిలుకు అదే గ్రామానికి చెందిన శైలజ అనే మహిళతో గత కొన్నేళ్లుగా వివాహేతర సంబంధం కొనసాగుతుందట.

ఈ విషయం తెలిసిన వీరి ఇళ్లల్లో గత కొన్ని రోజుల నుండి గొడవలు కూడా జరుగుతున్నాయట.దీంతో మనస్దాపానికి గురైన సాయిలు, శైలజ ఇద్దరు కలిసి నిన్న సికింద్రాపూర్ గ్రామానికి చేరుకుని, ఈ గ్రామంలో ఉన్న వెంకటేశ్వర స్వామి ఆలయానికి వెళ్లి పురుగుల మందు తాగి ఆత్మహత్యకు పాల్పడినట్లుగా సమాచారం.

అయితే మృతుడు సాయిలు హనుమాన్ మాలలో ఉండి, ఆత్మహత్యకు పాల్పడడం విచారకరమని గ్రామస్థులు వెల్లడిస్తున్నారు.ఇకపోతే ఈ మరణాలపై కేసు నమోదు చేసుకున్న పోలీసులు దర్యాప్తూ ప్రారంభించారు.

వామ్మో.. బన్నీకి జోడీగా అంతమంది హీరోయిన్లా.. కొత్త రికార్డ్ క్రియేట్ చేయనున్నారా?