ఆరోగ్యాన్నందించే ఎలక్ట్రిక్ చాప్‌స్టిక్‌లు.. ఎలా ప‌నిచేస్తాయంటే..

బర్గర్‌లు, నూడుల్స్‌తో పాటు ఇలాంటి చాలా ఆహార ప‌దార్థాల కార‌ణంగా మ‌న శరీరంలో ఉప్పు పరిమాణం పెరుగుతోంది.

శరీరంలో ఉప్పు పెరగడం వల్ల గుండె, కిడ్నీ వంటి అనేక వ్యాధులు వచ్చే ప్రమాదం ఉంది.

వాటిని అరికట్టేందుకు జపాన్ శాస్త్రవేత్తలు ఎలక్ట్రిక్ చాప్ స్టిక్స్ తయారు చేశారు.అవి పనిచేసే విధానం కార‌ణంగా మ‌న‌ శరీరంలో ఉప్పు పరిమాణం అదుపులో ఉంటుంది.

ఇప్పుడు ఆ చాప్ స్టిక్స్ ఎలా ప‌నిచేస్తాయో తెలుసుకుందాం.దీన్ని తయారుచేసిన జపాన్‌లోని మీజీ యూనివర్సిటీ పరిశోధకులు.

ఈ ఎలక్ట్రిక్ చాప్‌స్టిక్‌లతో ఆహారం తింటే, నోటిలో సోడియం అయాన్‌లు విడుదలవుతాయని, ఉప్పు రుచిని అనుభవిస్తారని చెప్పారు.ఈ చాప్‌స్టిక్‌లు చేతిలో ధరించే పరికరానికి జోడిస్తారు.

ఇది మీకు ఉప్పగా అనిపించేలా పని చేస్తుంది.కాబట్టి ఇది అదనపు ఉప్పు శరీరంలోకి చేరకుండా నిరోధించవచ్చు.

ఈ చాప్‌స్టిక్‌లు ఎలక్ట్రిక్ స్టిమ్యులేషన్ ద్వారా ఆహార రుచిని పెంచుతాయని రాయిటర్స్ నివేదికలో పరిశోధకురాలు హోమీ మియాషితా తెలిపారు.ఇది మినీ కంప్యూటర్ నుండి నియంత్రిత‌మ‌వుతుంది.

ఈ పరికరంలో చాలా బలహీనమైన కరెంట్‌ని ఉప‌యోగిస్తుంది.దాని నుండి ఎటువంటి ప్రమాదం లేదు.ఎలక్ట్రిక్ చాప్‌స్టిక్‌లను ఉపయోగించడం ద్వారా ఆహార రుచి 1.5 రెట్లు పెరుగుతుంది.ఈ చాప్‌స్టిక్‌లు ఆహారం నుండి ఉప్పును తగ్గించడానికి ప్రయత్నిస్తాయి.

ఎందుకంటే చాలా దేశాల ఆహారంలో ఉప్పు పరిమాణం ఎక్కువగా ఉంటుంది.