కాంగ్రెస్ ఫస్ట్ లిస్ట్ లో ఇవి గమనించారా..?

గత కొంతకాలంగా ఎదురుచూస్తున్నటువంటి కాంగ్రెస్(congress) పార్టీ మొదటి జాబితా ఈరోజు విడుదలైంది.ఎలాంటి వివాదాలు లేనటువంటి నియోజకవర్గాల్లో మొదటి జాబితాను విడుదల చేశారు.

మొత్తం 55 మంది అభ్యర్థులు జాబితాలో ఉన్నారు.ఈ జాబితాను పూర్తిగా గమనిస్తే.

తప్పనిసరిగా గెలిచే నియోజకవర్గాలే ప్రకటించినట్లు తెలుస్తోంది.ముఖ్యంగా ఈ జాబితా గమనిస్తే 11 మంది ఎస్సీ స్థానాలను, రెండు ఎస్టీ స్థానాలు, మొత్తం తొమ్మిది మంది బీసీ(BC) స్థానాలను కేటాయించారు.

ఇందులో మరొకటి గమనించాల్సిన విషయం ఏమిటంటే 12 మంది కొత్తగా పార్టీలో చేరిన వారికి ఈ జాబితాలో అవకాశం కల్పించారు.ఈ విధంగా మొదటి జాబితాలో పేర్లు వచ్చిన చాలామంది నేతలు ఊపిరి పీల్చుకున్నారు.

ఇక ముఖ్యంగా చెప్పుకోవాల్సింది మొదటి జాబితాలో బీఆర్ఎస్ ను వీడి కాంగ్రెస్ లో చేరినటువంటి మైనంపల్లి హనుమంతరావుకు(Mynampally Hanumantha Rao) మరియు తన కొడుకుకు కూడా సీటు దక్కింది.