బోడ కాకర సాగు చేసే విధానం.. మేలైన సస్యరక్షక పద్ధతులు..!

బోడ కాకర( Boda Kakara ) పంటను డ్రిప్ విధానంలో సాగు చేస్తే అధిక దిగుబడి పొంది మంచి లాభాలు పొందవచ్చు.

మార్కెట్లో ఏడాది పొడవునా బోడకాకర కు మంచి డిమాండ్ ఉండడంతో రైతులు( Farmers ) ఈ పంటను సాగు చేయడానికి చాలా ఆసక్తి చూపిస్తున్నారు.

ఈ పంటను సాగు చేసే మెలకువలు ఏవో తెలుసుకుంటే మంచి దిగుబడి సాధించవచ్చు.ఏమిటో చూద్దాం.

వేసవికాలంలో భూమిని బాగా లోతు దుక్కులు దున్నుకొని, వర్షపు నీరు నిల్వ ఉండకుండా భూమిని చదును చేసుకోవాలి.ఆ తరువాత పంట అవశేషాలు లేకుండా పొలాన్ని పరిశుభ్రం చేయాలి.

మొక్కల మధ్య దూరంగా ఉండేటట్లు విత్తుకోవాలి.సూర్యరశ్మి, గాలి మొక్కలకు బాగా తగిలితే వివిధ రకాల తెగుళ్ల బెడద ఉండదు.

బోడ కాకరలో ఆడ, మగ అనే రెండు రకాల మొక్కలు ఉంటాయి.ఈ ఆడ, మగ మొక్కలను 10:1 నిష్పత్తిలో నాటుకోవాలి.ఈ మొక్కలు నాటుకున్న 50 రోజుల తర్వాత సూక్ష్మ పోషక ఎరువులను( Micro nutrient fertilizers ), ఒక లీటరు నీటిలో కలిపి పిచికారి చేసుకోవాలి.