రాజీనామా చేయించే ఆలోచనలో కాంగ్రెస్ .. ' దానం ' ఒప్పుకుంటారా ? 

బీఆర్ఎస్ నుంచి గెలిచి కాంగ్రెస్ లో చేరిన ఎమ్మెల్యేల  విషయంలో ఏ నిర్ణయం తీసుకోవాలో తెలియక కాంగ్రెస్ టెన్షన్ పడుతోంది.

బీఆర్ఎస్ నుంచి కాంగ్రెస్ లో చేరిన ఎమ్మెల్యేల విషయంలో నాలుగు వారాల్లో ఏదో ఒక చర్యలు తీసుకోవాలని హైకోర్టు ఆదేశించిన నేపథ్యంలో ఈ విషయంలో ఏ విధంగా ముందుకు వెళ్లాలనే విషయంలో తజ్జనభజన పడుతోంది.

వీరిపై అనర్హత వేటుపడే అవకాశం ఉండడంతో ముందుగానే వీరిపై తగిన నిర్ణయం తీసుకోవాలని కాంగ్రెస్ భావిస్తోంది.  ముఖ్యంగా దానం నాగేందర్ విషయంలో కాంగ్రెస్ కీలక నిర్ణయం తీసుకున్నట్లు సమాచారం.

ముఖ్యంగా బీఆర్ఎస్ ( BRS party )నుంచి కాంగ్రెస్ లో  చేరిన ఎమ్మెల్యే దానం నాగేందర్ పై అనర్హత వేటుపడే అవకాశం కనిపిస్తోంది.  పార్టీ ఫిరాయించి కాంగ్రెస్ లో చేరడమే కాకుండా పార్లమెంట్ ఎన్నికల్లో సికింద్రాబాద్ ఎంపీ అభ్యర్థిగా కాంగ్రెస్ నుంచి పోటీ చేయడంతో ఆయనపై అనర్హత వేటు పడే అవకాశాలు ఎక్కువగా కనిపిస్తున్నట్లు న్యాయనిపరులు పేర్కొంటున్నారు.